Lukas 15:19 - Eipomek

¹⁹ Na pia malye winyamsa anya arye, ance, ‘Ara na mi,’ tonap kum nyapnamnilam bukni, an milina nang atonun kipdeipnutumura, talye pil ababye, doptinye.” ‘Ayupu nyapnamne,’ tenebuk.

Lukas 15:19 Referans Kwoze

Ayub 42:6

Ati ara, ayupu nyapmanilamba kekepmana deice arye, ‘Na nyalamse yupu ara, dipkoprob malye yupu nyalamse,’ kunum tenepne. Utenepmana ati, ‘Yata deiyok ati nyalamse do?’ tenen, ikin kanye bobuka, alye dakdana anya arye, arup malye nyanmanu ning ara, bataknirye atu dobuka, na kisok deice deipna arye, butbuta deice bukmane. Ara, pia walwal arye nyanmanuba, winira kel kipmana ati ara, na malye ning batakna arye, ikin kanye bobuka abukmane. Ayub birye nyabuk.

Lukas 5:8

Simon ap, el kayapu nang nirya ap arye, amekin bal weik dopropmekce ngalukunmek. Ngalukunmekba, Simon Peterus arye aning nirya eibuk ati Yesus dam mek liya yo deice kutam dipdongobukabukce Yesus ati yupu nyabuk. “Se, na deiyoknye Yesuso, nara malye wininanye ununa anya arye na batakuka yukak binulyame” nyabuk.

Mazmur 84:10

Tonda, nun ni Allah, ance nun deiyoknye Raja melibuka talipminyeura, elda pia diksukumuk wininamle. Tonda, ‘Ance akunum wibuka deiplumnye bira, talipminyeura, elda an amu tam ulirye, pia telebuk wininamle’ tenen, moropkine.

1 Peterus 5:6

Aning ati ara, Allah el mikip pia weik ululnye, el amu tam bukuka, anggun kanye darabuka, talima nimalye aryuk unamlulume. Winibuka umunyopura, Allah arye tenepsuk talak akunum uplyopura, anggun dobuka ereipnamsile.

Kejadian 32:10

Na nie, nara mambul kum, malye ninguk wininuna anya arye, ance bico tenyamnulumce, weika arye meliamnulum ning ap, tonda ance, ‘Winipnamkine,’ nyapdeipnulum touk, batakna kum, pia tuba pil melibuka dolamnulum ning ara, kum doproptinye bukni, urdemuk arenilyame. Minop talak amek koubuka, otam mutuku binamse talak ara, na kamauk taleamse bukni, wini talak ara, aning-aning weik upmanilba, bokuka yupa bitinye kipdeipmane.

1 Korintus 15:9

“Nara, sik asa delilamak mapu atonun unune,” nyapmasina deiyok ara, ani. Ara, narye Yesus dib tenebikbuk, Allah el mapu kibuk ninye nirya ati ara, minop talak narye, ‘Aninye ap, sik dib tenenyak ning nirya ara, aning nirya kum datue’ tenen, sik nong deice ikin ning weik arye deililamsirye, ton nang ati yupu nyapsiba, olamik. Winilamse ati ara, Allah arye, ‘Na yupu peterepnin bana ati, deiyok kouna deiyok nang, Rasul nang unamake’ tenen, wipdeiyamuk nang nirya ara, na deice tamto unyake. Sikda weik mambul bukni, na dib min kum tenepse talak ara, pia malye ulamse anya arye, sik amutamuk unirye, mitik mambulnye unune. Malye ulamse anya arye, yuk ninye arye, nati, “Elda, Allah yupu peterelbana ati deiyok kouna deiyoknye, Rasulnye ulule,” kum nyapnitinge bukni, nyaninyake.

Lukas 15:18

Aning ati ara, na ni dam tamubuka binirye, nyapnamne. “Naio, Allah ap, an ap ati pia malye winipse.

Lukas 15:20

Utenebukce, amutuku batakuka, el li dam biyuk. Bisikak ouyanganmokura, el li asik dam tikuka dinmokce, el miuk ouyanganmokak eibuk. Eibukopura, el mi ati bico ubuka ati, bik-bik abuka biyukce, binuka iribuka mutubuk.