Lukas 14:17 - Eipomek

¹⁷ Adeiyoknye birye, ‘Na yuna dilyanamak’ tenen, min arye akunum nyapdeiamuk nang ati, akunum kintinibukopura, el melina nang dopdeibukura, nyalbiyik. Anang arye, “Winira, nun deiyoknye birye aning-aning nirya akunum kintinipmasila ati, anggun dilyalulume,” nyalbiyik.

Lukas 14:17 Referans Kwoze

2 Korintus 5:18

Aning nirya ara, Allah elcuk pil dosilirye, aresulule. Minop arye Allah yuk, nun ninye nirya yuk-yuk ulamuburye, el ap neika kum upmanto ulamubu bukni, Allah arye nun lyena ati, Kristus dopdeipsukba, el pil dopsuka deice arye, el ap ansinibdeipsukce, teleb kipdeipsuke. Ati wini talak ara, el ap neika uptibye. Allah arye wipdeipsukce, ‘Aninye nirya arye, na Allah ap, ninye ap ansinibuka neika teleb una ati, na laka teleb yupu nirya laka nyabuka peterepra banamake,’ tenepsukce, wibuka deipsukce, apil arepsuke.

Rasul 13:26

Nyabukopura, ayupu ton nyabuk. Na kayapu, nun Abraham mapu Yahudi yala ninye nirya ap, anggun Yahudi yala kum nang bukni, Allah diba teneplumce si erelulum ninye ara, Allah arye nun nirya lyesulul yupu nunti laka akunum dopkwetepmasile.

Yohanes 7:37

Atalak weik yuna yupra banmekba, sirya sum, ‘Asum ara weik mambul sum,’ tenelamik ning ara, Yesus tikukce yupu weik arye nyabuk. “Anggun kekepnuse. Yatanye do nirya, mek pataplyopura, na dam yalirye, mek dinamle.

Lukas 14:16

Anye birye nyabukura, Yesus arye el yupu kekenmek nang ara, ninye dib tenebicopura, ‘Allah arye sik kanye talima talibuka ulul ning kel kipnamak’ tenen, winipmanto yupu deice arye nyanmok. Yesus arye nyanmok.

Lukas 14:18

Anang arye, “Winira, dilyanulume,” nyabukura, nyalbiyik bukni, el nyapdeiamuk nang arye lik ubukaura, “Nun kum yanamabe,” nyabuka anang nirya tonok-tonok arye lik ubukura, yuk-yuk biyik. Sik yuk-yuk biyikura, sik nirya arye tenepce yupu deice arye, “Nun kum diptibye,” nyabik. Tonye birye, na wa tuku winiryuk dekmanu ati, dilbinune. Winipnamne anya arye, kum yanune, nyabuk.