Lukas 12:57 - Eipomek

⁵⁷ “Anggun babye, ‘Diksukum winin ning ani,’ tenebuka kum kel kiluluma ara, yata ati do?” Yesus arye nyabuk.

Lukas 12:57 Referans Kwoze

Yohanes 7:24

Anggunda, nong bol deice ninguk eibuka, yupu bokolilulumce, “Aning teleb, aning malye,” nyalulum ning ara batakmunce, dipkoprop noutamak ninguk tenebuka, diksukum yupu uk bokolinamlulume. Yesus arye nyabuk.

Ulangan 32:29

Se, sikce, ‘Tuba malye winibipyopura, aminyan talak imun kanye bobuka unamabe’ tenen, kel kiptingopura, teleb uptinge bukni, aning kum kel biknamake. Aning ara, dipkoprob kel kiptingopura, teleb upnamting bukni, kum upnamake.

1 Korintus 11:14

Aning atonun, Allah arye, awinilul ning nirya kwepdeibukba, awinilye touk elinyaba deice arye, kum kel biktum do? Sal ara, sik kisok potong cang weik uplyopura, aning ara teleb do, malye do? Aning ara, malye anya arye, aning ati ara, alye kum dakalanamak do?

Lukas 21:30

Anggun nirya kele, benalye yo kita omlya ani, kulupnulya ati, telil ongoplyopura, ara ‘Dou mapnamla atia,’ tenelulume. Tonda, ‘Pou upmala anye arye, dou mapnamle’ tenen, nyalulume.

Matius 21:32

Anyapmasin yupu ara, talya ati kume. Deiyok ara, ani. Ara, Yohanes dib tenen, ninye mek dongolamuknye birye, ‘Diksukum un bisik ara, anye,’ nyabuka, ‘Dib tenenamlum’ tenen, peterelyanamsuk bukni, anggunce el yupu ati dib tenebuka kum dololulume. Anggunce el yupu dib kum tenelamlum bukni, sik ninye talye-talye yolamak kilapu ap, pemerintah arena ati, pajak yo bok ubula dolonyak nang ap, akunum diba tenebikce, sik malye ning akunum batakik. Anang sik malye ning batakikce dib tenebikba, elilulum bukni, aeipmalum ning ati ara, anggun malye umunye ning kum batakmalumce, tuba dib kum tenepmanulume. Aning ati ara, winipmanto yupu ton nyapnusine. Yesus arye aYahudi yala deiyok nang ati nyabuk.

Rasul 2:40

Nyabukce, wenena ap, laka lena ap, weik nyabuk deice arye anang ati nyabuk. “Anggunda anang atalak pia malye wininyak ninye kan-kan arye, lyepdamunce, Allah dam banamlume.” Nyabuk ning ara, ‘Allah arye oplyak’ tenen, yupu sekuk.

Matius 21:21

Nyabikopura, Yesus arye tamubuka nyabuk. “Na dipkoprop nyapsine. Yatanye do nirya, kanye talima bokoltona kumce, Allah ati pia dib teneplirye, ‘Narye Allah ati moropne ning ara, Allah arye dipkoprop winipnamnile,’ tenebuka, Allah ati moroplyopura, weik mambul ning uptue. Ara, narye nyapmanuba, ara yo kolupmal touk uptue. Tonda, aninguk kume. Omutuku ati nyaptue. ‘An yuk aryuk erepdakuka, laut mekwen noutamak delilbilyame,’ nyaptuopura, el nyaplye yupu deice aryuk, amutuku el yuk aryuk erebuka, laut mekwen noutamak dopkwetepdatue.

1 Korintus 11:13

Anggun bidamnye aryuk, nun wini talak wininyap ning ara, tenipdelulume. Ninye wekmacak arye, Allah moropnucopura, kilapu arye, cang kain bola kisok deice kum kalubikcopura, talye kanye bobuka Allah morobikcopura teleb do, malye do? Kume, aning ara malyeuk ulule.