Lukas 12:10 - Eipomek

¹⁰ Yata nang do nirya, nara Ninye Mi Koprop Atonunye nati, malye yupu nyapnice nang ara sik malye nyapnice ning ara, sik batakiceura, Allah arye kum kipdeiplirye, namin kipnamle. Bukni, sik anang arye Allah El Dib Kanye el pil dolye ning ati, malye yupu nyabuka, ‘Aning ara, Isa Mutuku Dongonye arye el mikip deice arye pil donyake,’ nyabiceura, Allah arye sik malye nyanyak yupu ara kum daneiplirye, namin kum kipnamle. Aning atouk, sik kanye talima noutamak ayupu pia tenebiceura, aning pia tuba aupnamle, Allah arye sikti, wenepnamle. Ayupu nyanyak nang ara, kum lyepmanto ning wininyaka ati, nyapsine,” Yesus arye nyabuk.

Lukas 12:10 Referans Kwoze

1 Yohanes 5:16

Ara Allah arye wenebuka oltakasulul atonun, malye una ning kum bukni, yatanye do nirya, el mening dam ululnye birye malye ulamlye bukni, eiplyopura, amalye ulamlenye ati, Allah moronamlule. Allah moroplyopura, Allah arye amalye ulamlenye ati, lyebuka deiplibuk, kam unamle. Na nyapmasi ning ara, sik malye wininyakba, Allah arye wenelul bukni, amalye winilamikibuk kum olye ning ati, nyapne. Ton yala malye winilamice ning ara, aminyan ara Allah arye oblyeba, dibinyake. Amalye winilamice ati ning ara, Allah moronamlume kum nyapsine.

1 Timotius 1:13

Minop talak nara, ‘Yesus Kristus elda talinye’ tenen, elti, malye yupu nyalamsirye, el dib tenelamik ninye ati, pia yu ubuka, sik nong deice weik ikin ning deililamsirye olamse. Winibuka ulamse bukni, amalye ulamse ning nirya ara, dib tenena kum, pia walwal deice arye ulamse ati, Allah arye nati, talye merekukua opnutu bukni, amalye ulamse ning talya namin kipnukce, luba kibuka, bico tenyamnukce melilamnuke.

Lukas 23:34

Anang nirye arye, ‘Yesus opnuyap’ tenen, wanwanun yo deice deipmek talak ara, Yesus arye el li Allah ati nyabuk. “Naio, aonmaniak nang ati, kum wenepnamlyame. Sikda, bita kum tenepmakce, wininmaniaka anye arye, sikti, namin kipnamlyame,” nyabuk. Tonda, sik ayin talin nang arye, Yesus deice ongopmok baju, ‘Yatanye birye dopropnul do?’ tenen, sik nomor undian donokik anyak ani, aning akunum laka kipne nanguk, aongon baju dolonmek.