Lukas 11:47 - Eipomek

⁴⁷ Allah arye wenebuka opnamsile ati, anggun, ‘Se,’ tenebuka, imun kanye bonamlulume. Deiyok ara ani. Allah yupu laka nyabuka, laka nyalamik nang, nabi nang ara anggun apu yapu arye olamikce, weilamikak ara, wini talak ara anggunce anabi nang kina ati, ninye wein aik, urasin teleb aik dolulume. Anggun teleb ninye wein aik dolulum bukni, anggun apu yape arye anang olamike.

Lukas 11:47 Referans Kwoze

1 Tesalonika 2:15

Sik Yahudi ninye ara, wininyake. Sikda nun Weik Deiyoknye Yesus ap, Allah el yupu laka nyana nang, nabi nang ap olamik. Tonda, nunti, sik mutuku noutamak arye wenebuka dopkwetepsike. Anang ara, malye winilamikibuk, Allah arye sikti, lik ulule. Tonda, yuk mutuku nang nirya ati ara, yakanyakce, oldan nang atonun unyake.

Rasul 7:51

Stefanus arye, Yesaya sekamuk yupu nyabukopura, ayupu tonap nyabuk. Anggun mandipna weik ninye ululume. Anggun talima ap, anggun amul ap, Allah arye nyasilye yupu pia kum kekelulum ninye ululumade! Anggun apu yapu ulamik touk anggun babye, winilulume. Ara, Allah Dib Kanye arye nyasulul bukni, anggun kum kekebuka dolomunyak arye yanilulume.

Matius 23:27

Se, anggun Farisi nang ap, Musa sekamuk yupu peterena deiyok nang ap ara, anggun talima noutamak malye ning aupmasilibuk, ‘Teleb nang tenepnamsiyak’ tenen, nong bola deiceuk teleb ululume. Allah arye wenebuka opnamsila ati, anggun bicoe. Ninye dibikceba, keil deiya pum weibikirye, buru tam keil deibikirye, aik likne kurun mek likikcopura, buru tam ara urasin pia teleb ulule. Bura tam urasin teleb ulamle bukni, akeil deiya pum bisik ara, ninye nong lyuplirye, tong ap, yok ap, amalye ninguk ulule. Aning ara, pia malye ulamle touk, anggun winin ning babye, pia malye winilulume.

Lukas 11:48

Nabi nang olamik ning ara, ninye wein aik urasin teleb ning domunya deice arye, ‘Nun apu yape arye Allah yupu laka nyalamik nang olamika ara, telebe uka,’ nyalulume. Ara, anggun apu yape arye, anang olamikbuk, anggunda anang sik wein aik, teleb aik doluluma ati, nyapne.