Lukas 10:24 - Eipomek

²⁴ Ara urdem ati kum nyapne, na dipkoprop nyapsine. Minopce Allah yupu lak nyalamik nang, sik nabi nang weik ap, lipsisikuka ulamik nang weik ap, wini talak anggun elilulum ning ara, pia patalamukura, ‘Se aning eiptibye,’ tenelamik bukni, kum elilamik. Tonda, wini talak anggun kekelulum yupu ara, pia patalamukura, ‘Se aning kekeptibye,’ tenelamik bukni, kum kekelamike. Ati, wini talak anggun teleb ubuka kekena ap, dina ap, umunye nang ara, anggunda, pia mambul anya arye, pia teleb kanye bobuka unamlume. Allah arye teleb ulinamsile,” Yesus arye nyabuk.

Lukas 10:24 Referans Kwoze

Ibrani 11:13

Ura, anyapmasin ninye nirya ara, pia diba tenenauk ulamik ani, aminyan talak diamik. Allah arye, “Wininamsine, winibuka aning arenamsine,” nyabuka, sikti, nyalilamuk ning ara, min kum areamukba, kum dolamik. Nong kum dolamik bukni, ‘Kume, Allah arye nyalilamsuk ning ara, dipkoprop arenamsile’ tenen, kanye deibuka peratoto arye, kintinibuka dinauk ulamik. Tonda, sikce nyalamik. “Kume, nunda, yuk pera mutuku ninye, asik nang atonun kibuka unyabe. Nunda, tukwak mutuku unyap bukni, asukum ara nun mutuku kopropa kume,” nyalamik.

Yohanes 8:56

Anggun apu koprop Abraham arye, ‘Anye bira aminyan talak yanamle,’ tenyamukce, kanye deibuka ulamuka ani, yase talak ara eibukce, weik arye kanye deibuk, nyapsine. Yesus arye nyabuk.

Ibrani 11:39

Minop talak diba tenelamik ninye nirya ati ara, Allah arye, “Aninye ara, sik diba tenenyak ning ara, pia telebe. Na kanye deipsine,” nyapdeiyamuk bukni, Allah arye aninye ati, “Aning arenamsine,” nyalilamuk ning nirya ara, min kum dopropnaryuk dibilamik.

Matius 13:16

Yesus ayupu nyabukopura, ayupu tonap nyabuk. “Bukni, sik anang wininyak touk, anggun na mapu ara aning kum wininamlulume. Na mapu anggunda, asing arye teleb ubuka elilulume. Anggun wini talak umunce, na donye pil nirya eililulum ning ninye ara, anggunce aning-aning nirya, pia mambul ning eliluluma ati, anggunda pia mambule. Ati, pia teleb kanye bobuka unamlulume. Anggunda amul arye teleb ubuka kekenululume. Ati, anggunda pia teleb kanye bobuka unamlulume.

Lukas 10:23

Yesus arye ayupu nyabukopura, elce wipdeibuk mapu, sik 12 nang ati, ayupu tonap nyabuk. “Na mapu anggunda, ne wininun ning, anggun asing arye teleb kubuka elinululume. Anggun wini talak umunce, na donye pil nirya elinululum ninye ara, anggunce aning-aning nirya, pia mambul ning elilaluma ati, anggunda pia mambule. Ati, pia teleb kanye bobuka unamlume.

Lukas 10:25

Yesus arye el mapu ati ayupu akunum nyabukopura, sik daulamika ani, yuk talak ara, Allah arye, ‘Aning winamlulume, aning ara kum wininamlulume,’ nyapdeibukura, Musa sekamuk yupu peterena deiyoknye tonok, Yesus dam biyukce, ‘Yesus malye nyaptu’ tenen, Yesus ati asipdeyuk akarye ayupu nyabuk. “Anda peterena telebnye ulyame. Bol koplobuka pia kam una ati, narye yata teleb pil doptinirye deice arye, pia kam una deiyok ning doproptinye do?” nyabuka asipdeyuk.