Lukas 1:54 - Eipomek

⁵⁴ Tonda, el mapu atonun Israel ninye ati, kum lubakilul anya arye, nunda pia malye wininyap bukni, minpola wenena kum usulul bukni, bico tenebuka pia melinauk usulule.

Lukas 1:54 Referans Kwoze

Mazmur 98:3

Tonda, Allah arye, “Anggun ti, bico weik tenesununa ati, pia melisinirye, pia teleb kilinamsine,” nyalin yupu deice arye, nyapdeipsuk ning ara, akunum lak kibuka peteresulule. Atonun, Allah arye nunti, “Winibuka melinamsine. Anggun ti wininamsine,” nyasilye yupu atonun, batakna kumce, aninguk dipkoprob, tuba wininamsile. Ati ara, mutuku sirya, im sirya daunyak nang nirya ara, Allah arye, lyelosulul ning ara, akunum laksukum arye elinyake. Diba, nun Israel nang arye, si erenyap Allah ara, elce melibuka lyelamsuk ning ara, yuk mutuku nang nirya elilamikce, akunum biknamike.

Mika 7:20

Allah an mapu koprop ara, Abraham arye deiamukba, dadeipdanin balamik nang, nun Israel yala ninye ati, tenepsimince, bico upkiliba, tamubuka lyepnamsilyame. Tonda, nun apu koproba, Yakub birye deiamukba, dadeipdanin balamika ani, deiamsik Israel nang ati, tenepsimince, bico upkiliba tamubuka lyepdopnamsilyame. Ara, minop talak ancuk, nun apu yapu nang ati, nyalin yupu deice arye, “Wininamsine,” nyapdeiamsulum touk, wininamsilyame. Pia kum bataknamsilyame. Ance nun apu yapu nang ati, “Wininamsine,” nyapdeiamsulum ning nirya ara, kum bataknamsilame. Aning nirya ara, dipkoprob pil donamsilyame. Aminyan talak babye, nun dam teleb winilinamsilyame. Ayupu nyabuka, nabi Mika birye Allah ati, nyabuka morobuk.

Yesaya 44:21

Allah el si Yahweh arye Israel ninye ati nyabuk. “Yakub birye deibukba, dadeipdanin balamik ninye, anggunda na wininye ning ara, pia luba kum kinamnululume. Pia moubuka tenemunce unamlulume. Anggunda, na amu tam pil don nang ululume. Na kel biknamnululume, ara narye anggun wipdeiamsesirye, kwepdeiamsise deiyok ara, ‘Anggunda na mapu, ‘Naʼ tenen, ninye unamak’ tenen, wipdeiamsise. Anya arye, Israel ninye anggunda, narye luba kum kipnamsine.

Yeremia 31:20

Nyabukce, ayupu ton nyabuk. “Israel ninyeo, anggunda na tuba bico tenesunune. Anggunda, pia na kanye deilin ninye ululume. Anggun wenena ati, ‘Na dam tamubuka yanamlum do?’ tenen, ikin weik ning, anggun nong deice deilisunun bukni, ato ning babye, narye anggunti, tuba bico tenesunune. Anya arye, narye anggunti, pia bico tenesunune. Anggun malye winilulum ning ati, talye lukparabuka opsitinya bukni, anggunti tuba bico tenesununa anya arye, obuka sirya kum daknamsine.” Na Allah Yahweh arye nyapsine.

Yeremia 31:3

Israel ninye arye, ‘Se, nun telebak utibye’ tenen, engebuka dilamik ninye ara, morolamikba, na Allah ara, pia weik yukak ulamse bukni, sik dam lak kibuka yanamse. Sik ti nyapse. Ara, se anggun Israel ninye ati, minop talak arye anggunti, pia bico tenelamsisirye, kum bataknamsine. Ati, wini talak arye dipdongobuka, doyanamle talak nirya ara, anggunti bico tenesinirye, pia kalikuka, tuba melinamsine.

Mazmur 46:5

Bukni, Allah arye kintinip deibuk mutuku, el unak ara, pia teleb mek, amutuku noutamak pu dobuka biyuke. Winibukce, mek taruk bokukce, dana-dana biyuk mek nirya ara, amutuku unamak ninye eibikirye, kanye delinamake. Amutuku ara, malye ning ton kum ulirye, pia teleb mutuku ati ara, aning-aning deice tam, erepra ulula deiyoknye, Allah ara, amutuku ulule.

Lukas 1:53

Tonda, sik aning-aning nirya patalamuk ninye ara, Allah arye sik patapne ning weika arye aribnabuk dololamikura, boulamuk. Winilamukura, sik bona weik talin nang ara, arena kumce talye nonguk dolkwetelamuk.

Lukas 1:55

Ara, Allah arye nun apu yapu ati, ‘Wininamsine,’ nyalilamuk touk, akunum winipsile. Ara nun apu Abraham ap, Abraham arye deibukura, dadeipdanin, balamika ani, wini talak delikce nang nirya ap ati, pia bico tenebuka melinauk ulule. Ayupu nirya ara, Maria arye nyabuk.