Lukas 1:41 - Eipomek

⁴¹ Maria arye “Telebe,” nyabukura, Elisabet kekebuk akarye adiparyuk, el mi mun pum tam arye lulukukura, Allah El Dib Kanye arye, Elisabet el kanya talima noutamak yanuka wekukce, langdibuk.

Lukas 1:41 Referans Kwoze

Lukas 1:67

Allah El Dib Kanye arye, Yohanes el li Zakaria kanye talima wekuka langdibukopura, aminyan winipnamuk ning ati ayupu laka nyabuk.

Lukas 1:44

Ance ‘Telebe,’ nyapmanilam ak, kekepmakince adiparyuk mi bopsa ara, ami el kanye deipmalce lulukmale.

Lukas 1:15

Deiyok ara ami neplyopura, mambul pil dolamlye ati, Allah arye anye biti kanye pia delinamle. Ami neplyopura, anggur mek kanye wangalamak mek ap, yuk talye kanye wangalamak mek ap, pia kum dinamle. Tonda, el winiryuk deiplye talak anirye, do unamle talak nirya ara, Allah El Dib Kanye ami el talima wekuka, langdiplirye, pia puto weik areplyopura Allah El Dib Kanye arye anye pia talinamle.

Rasul 4:8

Asipdeyikura, Peterus arye Allah El Dib Kanye minop arye wekamuk anya arye, atalak langdibuka dinibuk deice arye ayupu nyabuk. “Telebe na kayapu. Nun Yahudi yala nang na ni yapu ap, nun yupu lipsisikna ati wisi nang ap, anggunti telebe nyapsine. Anggun nirya kekepnuse.

Rasul 2:4

Sik nong deice bukukura, Allah El Dib Kanye sik talima wekuka langdibukura, talibuka arye, sik nirya ara, yuk-yuk mutuku nang yupu arye nyanmek. Ara, Allah El Pia Teleb Dib Kanye arye yupu nyana deiyok ning aribuka atonun, sik yuk-yuk mutuku nang yupu nyanmek. Sik nyanmek yupu ara, kum kel kiyamik yupu bukni, yuk-yuk mutuku kili sal yupu nyanmek.

Rasul 7:55

Bukni, Allah El Dib Kanye, Stefanus el talima wekamuka arye, atalak langdibukura, Stefanus arye im deice tam erebuka dinmokbuk, Allah el weik dirina upmok ning ap, Yesus ara, Allah el sirik tam tikmok ning ap eibuk.

Wahyu 1:10

Daulamsa ani, tonok minggu sum, Allah El Dib Kanye arye na kanye talima nirya talipnuke. Talipnukba, na donga tam arye, Allah el yupu nyabukba, lelim ara pong-pong ana ning el si ara terompet atonun, weik lelim nyabukba, kekepse.

Mazmur 22:10

Na nin mun pum bomnuk talak arye, dipdongobuka melilamnulume. Ati na deipnukba, nepse talak babye, na winin ning nirya, an deice aryuk winilamsa ani, wini babye wininamne ati, anda na deiyoknye Allah ulyame. Narye an siuk, pia erenamkine.

Kejadian 25:22

Ribka mi bomuk talak ara, kwa bitinye mapu bomuka anya arye, akwa bitinye mapu arye, el mun pum bisik pikibuka donmarikba, Ribka birye, ‘Se, awinipmanil ning ara, yata deiyok arye upmanil do?’ tenen, Allah el si Yahweh ati morobukce, asipdeyuk.

Efesus 5:18

Ara, kanye wangalamak mek dibikcopura, sik kanye wangabikiba, talye yolana ap, malye-malye winina ap, wininyaka anya arye, mek dibibyeba, kanye wangapsiliba malye winina ara, meme. Aning kum wininamlum bukni, Allah El Dib Kanye arepsukbuk, nun kanye talima wekuka usilinye birye, ‘Allah El Dib Kanye arye, nun kanye talima talisilye deice arye, el mikip kipdeipnamsile’ tenen, el amutamuk unamlulume.

Rasul 6:3

Ati, nun kayapu, anggun akunum bikilulum nang ara, anggun noutamak arye tekbarye nang wipdeipnulume. Ara, Allah El Dib Kanye wekuka langdibukura, funguk kibuka unyak nang, sik yupu nyanyak ning ap, sik pil donyak ning ap, teleb-teleb kibuka wininyak nanguk wipdeipnulume. Wibdeipmunyeura, ‘Youwak kilapu dina bokuka arin pil donamak’ tenen, sik deiyok nang keipdeipnamabe.

Lukas 4:1

Yohanes arye Yesus akunum mek dongobukopura, Allah El Dib Kanye arye, el talima wekuka langdibukura, Yesus Yordan mekin bataka yukak biyuk. Biyuk talak ara, Allah El Dib Kanye arye, Yesus el talima noutamak arye nyapdeibukura, mek kumak ati ara, ninye pia kum ulamik mutuku pata mutuku Yesus biyuk.

Lukas 1:40

Biyukce, tonok asik domikak biyukura, Zakaria el aik pum wekukce, Elisabet ap eipdarikopura, “Telebe,” nyabuka kibuk.

Lukas 1:42

Langdibukopura, Elisabet weik yupu arye nyabuk. Se, yuk kilapu nirya ara, Allah arye sikti, kanye deililul bukni, an Maria uk ara fia, weik arye melikulule. Tonda, anda sal mi deipnalama babye, Allah arye akunum wibkukce kanye deipkuke.

Rasul 9:17

Yesus arye nyabukura, Ananias kekebuk akarye, Saulus el aik ulamukak binuka wekuk. Anyaik wekukura, el taruk tatang Saulus nong deice deibuk akarye nyabuk. “Na weit Sauluso, amutuku yanamluma ati, bisik yanganmumak panalyayuknye bira, nun ni kopropa Yesus. Elce, ‘Nara, an asing lapdeipnamkil’ tenen, tonda, Allah El Dib Kanye dopkweteplibuk, ‘Kanye pum tam wekilirye, langdipnamkil’ tenen, dopdeipmanile,” nyabuk.