Lukas 1:11 - Eipomek

¹¹ Moronmekura, Zakaria arye anyaik pum pil donmokbuk, nintong teleb ning uku dongopnuyuk talak sirik tam, Allah el nyapdeipne ning pil dolbananye ap, Allah ati yupu lak lelbananye ap, malaikat tonoknye talye karin arye kutukuka tikilyayuk.

Lukas 1:11 Referans Kwoze

Hakim-Hakim 13:3

Winibuka daulamdika ani, tonok sum ara, Allah el pil donanye malaikat akil dam yayukce nyabuk. “Allah arye nyapmakile. ‘Uku daupra yangaminye talak nirya ara, mi kum bomince, mi kum delilyam bukni, wini talak ara, an mi bominya ani, sal mi deipnalame.’ Allah arye nyapmakile,” nyabuk.

Wahyu 9:13

Aning tenepse talak ara, malaikat nakupnye birye, el terompet lelim nyabukba, ninye yupu atonun nyabukba kekepse. Ara, Allah el bulul sukum urasin tam deipmek emas meja deice arye, tace dana-dana belyamuk ning noutamak arye ayupu nyabuk.

Ibrani 1:14

Anggun ton teneipdelulume. Allah el im deice pil don nang malaikat nirya ara, im deice ning, dib kanye atonun nang unyakba, Allah arye sik malaikat ati, ‘Kume, ninye tukwak ninye lyepneba, ninye lyen ning nirya dolonamak ninye ati, sik melipnamlyame. Tukwak ninye, lyepnamne ninye ara, sik melina ati, ‘Pil melibuka donamlum’ tenen, anggun malaikat dolkwetesunune.’ Allah arye untenyamukce, sik malaikat ati nyabuk. Malaikat ara, Allah arye lyelul ninye sik melina ati, dolkwetelula anya arye, sik malaikat ara, mitik mambul unyak bukni, Allah el Mi Kopropa ara, eluk weik mambul ulule, nyapsine.

Rasul 5:19

Wenena aik dongobik bukni, alukunyan noutamak arye, Allah el im deice pil donanye malaikat tonok yayukce, awenena aik buplan kukuk ak arye, anang nirya dobuka buru tam bobiyuk.

Lukas 2:10

Sik ilil weik ubuk ati, amalaikat arye nyabuk. “Anggun ilil una meme. Narye anggunti, laka teleb yupu boyanmasina ara, ninye mutuku-mutuku nirya kekebikirye, weik kanye deipnamake.

Lukas 1:28

Amalaikat Gabriel arye, Maria dam biyukce ayupu nyabuk. “Na ka kilo telebe. Allah arye anti kanye deipkukce, pia mambul pil dopnamkile. Allah ara an ap urumunce pia melinamkile,” nyabuk.

Lukas 1:19

Nyabukura, amalaikat arye tamubuka nyabuk. “Nara, talinye kume. Na si ara, Gabriel unune. Nara, Allah damak unirye, Allah elce dopkwetepmanilura, laka teleb yupu nyalyanmakine.

Hakim-Hakim 13:9

Morobukopura, Allah arye Manoa birye nyabuk yupu kekebuk. Kekebukce, Allah pil donanye amalaikat tuba tamubuka tonap dopdeibukba, akil bai tam wa win dam unmokak yayuk. Malaikat arye akil dam yayuk bukni, asukum ara, el akanye babye neika kum unmarek ati, el akanye birye amalaikat kum eibuk.

Imamat 16:13

Anintong teleb ning bobuka, na si Yahweh, na Allah dam binuka tiklirye, ‘Na dipnyak’ tenen, siltong ning, sice atonun ning ara, uku deice deipnamlule. Deipliba, uku arye nintong teleb ning diplyopura, tulum weik weleplirye, memebuka diamikce marikna, el si Peti Perjanjian, singnipdongonamle. Amambul marikna ap, marikna pum tam, Allah mem yupu nyamukba, Musa sekeibukba, amarikna libik ning ap, marikna el mem bublan ap, aning nirya ara, tulum weik weleplirye, siknipdongonamle. Winiplyopura, Harun kum eipnamla anya arye, kum dipnamle. Ninye malye winin ning kilina ati, na Allah ap, ninye ap ansinilina ati, arin ning, ‘Abublan deice deiamicak, lak kum eipnamle’ tenen, wininamlule. Allah arye nyabuk.

Lukas 2:9

Sik domba weinmekura, Allah el im deice pil donanye, malaikat dopkwetebukura, talye karin arye sik dam tikilyayukura, Allah el dirina weik ubuk akarye keting sinarya ato ubuk ati, sik ilil weik ubuk.