Kolose 3:19 - Eipomek

¹⁹ Anggun sal ara, min arye akunum doplum kilapu ati, bico tenepmunce, kanye talima aribuka melinauk wininamlume. Yu una ap, derelana ap, kum arye, talima dukdongobuka namin arye, teleb ubuka neika unamlulume.

Kolose 3:19 Referans Kwoze

1 Peterus 3:7

Aning atouk, anggun akanye yapu babye, anggun kilapu ap, talima tonok dukdongobuka neika unamlulum talak nirya ara, anggun kilapu sik pataplye ning moubuka tenebuka, melinamlume. Tonda, ‘Nun kilapu ara, mikip mitik ning,’ tenepmunce, Allah arye bola koplobuka, kam pia una deiyok ning talye aresilya ara, ‘Nun ap, nun kilapu ap, neika dolonamabe,’ tenenamlume. Winibuka unamluluma deiyok ara, anyapmasin touk dipkoprop ulamunyopura, anggun Allah ati morolulum talak nirya ara, aning-aning nirya arye kum sekdongopsutue.

Kolose 3:21

Anggun ninye wisi arye anggun mapu nirya ati, yu upsilyaura, weika arye wenebuka kum onamlulume. Ara, anggunce anggun mapu ati, weik arye tuba-tuba wenepmunyopura, anggun mapu arye ikin kanye dobuka, sik bouku sukulule ati nyapsine.

Efesus 5:25

Ara, anggun sal ati, ayupu nyapnusine. Ara, Kristus arye, elti, dib tenebupu ninye ati, pia bico tenebuka talima arepsukce, nunti lyepsuk atonun, anggun sal babye, anggun domunye kilapu ati kanye talima arepsilyopura, bico tenebuka pia telebuk unamlume.

Efesus 4:31

Tonda, yu usilye ning ap, yuk nang malye upsikiba yu usilye ning ap, derelana ap, yupu deice walana ap, anirya ara, batakanamlulume. Tonda, yuk nang arye, ‘Anang ara, malye nang, tenepnamak’ tenen, lulupdeibuka nyalulum yupu ap, yu usiliba, yuk nang ati malye-malye winina ap, nirya ara, batakanamlulume.

Efesus 5:33

Ayupu deiyok noutamak ning ara, bitinye upsil bukni, dipkoprop nyapsine. Anggun sal nirya ara, anggun babye anggun bidamnye ati kanye deibuka teleb ulildalamlum atonun, anggun domunye kilapu ati, pia bico tenebuka melinauk unamlulume. Tonda, anggun kilapu nirya arye, anggun akanye yapu ati, kipmunce, sik yupu kekebuka namin asa arye, neika unamlulume.

Penghotbah 9:9

Ati ara, ance an kil pia bico teneplum kil ap, neika kam unamlum talak nirya ara, kanye delilanamlume. Deiyok ara, anggun kam unamlum talak nirya ara, talye nong pia kum upnamle ning anggun dam yanganamle. Tonda, anggun ni Allah arye, ‘Aning ara wininamake,’ akunum tenepsuka ati, amutuku noutam unamap talak ara, el akunum tenyamukce, areamsuk touk unamabe. Ati ara, tukwak mutuku noutam unamap talak ara, nong kum upnamle ning, talye ning ara, nun dam yanganamsile. Ati ara, anggun tukwak mutuku noutam unamlum talak ara, pia pi dobuka, pil mikip arye donamlume. Allah arye, ‘Aning wininamake,’ akunum tenyamsuk touk wininmabe.

Kejadian 24:67

Aminyan talak ara, Isak birye Ribka dobukce, el lin aik ton neika biyik. Isak birye, Ribka akunum dobukopura, pia bico tenebukce, kanye deibuk. El lin Sarah diamuka ati ara, mambul kanye bopmuk bukni, Ribka dobuka deice arye, el kanye kwa dibukba, kanye deibuk.

Yakobus 3:14

Bukni, anggun kanye talima noutamak ara, yuk nang ning asing eipmunce, ‘Aning nauk doproptinye’ tenen, patana ap, ‘Nauk erepnitinge’ tenen, patana ap awinipsilyopura, aning ati kanye deibuka, kwalina ap, maknya kintinilina ap, kum danamlulume. Tonda, aning awabsilyopura, kum dungnunamlulume.

Lukas 14:26

“Yata nang do nirya, sik ni yapu ap, sik nin yapu ap, sik kilapu ap, sik weitcapu silip ap, sik mapu ap ati, weik arye kanye talima delilul bukni, nati ara, kanye talima mitik anun delinululce nati bataknicopura, anang ara, na mapu kum uptinge.

Roma 3:14

‘Ninye nirya arye yuk nang ati malye yupu sik nong deice nyapdeipbica deice arye, walana ap, yu ulana ap, like tenena ap, weik welelule.’ (Mazmur 10:7)