Keluaran 8:2 - Eipomek

² “Ati, anda na yupu kum kekepnimince, ‘Bana kume,’ nyapniminyopura, narye anggun mutuku noutamak nirya, yakai pia weik arepnamkine.

Keluaran 8:2 Referans Kwoze

Mazmur 78:45

Tonda, Allah arye amutuku ninye wenena ati, sik mutuku noutam nirya ara, deibum atonun ning, yupa pia weik tonun dopkwetebukba, amutuku langdibukce, adeibum arye anang, sik nong bol deice amulamik. Tonda, sik wenena ati, yakai pia weik tonun arebukba, amutuku dana-dana tam nirya langdibukba, sik nirya ara, imun kanye bobuka ulamik. Winibuka deice arye, amutuku nang, pia malye kipdongobuk.

Keluaran 9:2

Ati ance, ‘Sik aninye batakniba kum binuyake,’ tenepmince, tuba talipminyopura, na Allah arye ikin weik ning arepnamkine.

Keluaran 7:14

Yahweh arye, Musa biti, nyabuk. “Firaun talima kat uplirye, Israel ninye bana ati, ‘Telebe dabilulume,’ pia kum nyapnamle,” nyabuk.

Mazmur 105:30

Mesir mutuku ninye ara, tuba mandipna kanye uk ulamikba, Allah arye arebukba, yakai ayala-yala nirya, weik yupu nyabikce, amutuku yanuka, wekuka landibik. Tonda, yakai aniryuk Mesir mutuku ninye sik ninye deiyoknye un damak, pia telebak nirya babye, biyikce, wekuka langdibik.

Keluaran 8:1

Ura daulamika ani, Yahweh arye Nil mek malye kipdeibuk sum arye nukuka, like tekbarye sum akunum ubukba, Allah arye, Musa biti nyabuk. Anda Firaun dam bimince, nyapnamlyame. “Allah el si Yahweh arye, nyapkile. ‘Israel ninye arye, na si erepnamniak’ tenen, ance aninye ati batakdongopminyeba, ninye kum mutuku noutamak binamake, nyapkise.”

Keluaran 8:3

Nil mek pum bisik arye, yakai nukmanto kum pia weik uplirye, mek pum bisik arye yakai weik weleplirye, Firaun an weiknye aik bunak ap, an manak ap, yakai weika arye, langdipnamle nyabuk. An amu tam pil dona deiyok nang, sik aik pum ap, Mesir mutuku ninye sik din aik ap, sik din dan aik ap, sik un aik nirya ara, yakai weik weknamle.”