Keluaran 8:11 - Eipomek

¹¹ Allah moropnyopura, yakai kum danamle. Ati ara, yakai anggun asik ap, anggun dam ap upamala ara, an ap, an pil dona deiyok nang ap, Mesir mutuku ninye aik pum upmala ning nirya ap, nirya kum danamle. Anirya ubuka, Nil mekinuk wekelbinamake,” Musa birye nyabuk.

Keluaran 8:11 Referans Kwoze

Keluaran 8:9

Firaun birye nyabukura, Musa birye, tamubuka nyabuk. “Anda weiknye uminya anya arye, ance, ‘Asum teleb’ tenen, wibuka nyapniminyopura, narye Allah moropnamane. Winipniba, an pil dona deiyok nang ap, an ap, Mesir mutuku ninye nirya ap, anggun aik ap, talye sukum nirya ap, yakai pia weik upmal ning ara, kum uplirye, tamubuka Nil mekinuk wekelbinamake,” nyabuk.

Keluaran 8:3

Nil mek pum bisik arye, yakai nukmanto kum pia weik uplirye, mek pum bisik arye yakai weik weleplirye, Firaun an weiknye aik bunak ap, an manak ap, yakai weika arye, langdipnamle nyabuk. An amu tam pil dona deiyok nang, sik aik pum ap, Mesir mutuku ninye sik din aik ap, sik din dan aik ap, sik un aik nirya ara, yakai weik weknamle.”

Keluaran 8:13

Morobukura, Allah el si Yahweh kekebukce, aning nirya, Musa nyabuk touk winibuk. Winibuka deice arye, Yakai weik aik pum bisik upmok ning ap, asik dam upmok ning ap, sik wa win dam upmok ning ap, bai tam talye upmok ning ap, anirya aunmekakuk dibik.

Keluaran 8:12

Musa ap, Harun ap, weiknye Firaun batakuka yukak birikce, Musa birye Yahweh biti, morobukura, ‘Firaun dam yakai weik areplumba weik ubuk ning ara, kum kibuka deiptume,’ nyabuka, morobuk.

Keluaran 4:21

Allah el si Yahweh arye, Musa biti nyabuk. ‘Ninye winipman kum pil donamle’ tenen, na mikip an deice arelamkisa anya arye, an Mesir mutuku biminye talak ara, ninye kum winipmanto ning nirya, Mesir mutuku nang, sik deiyoknye Firaun dam binuka wininamlame. Winipnamlam bukni, narye elti, kat kanye ning arepneba, elce, ‘Yo telebe. Israel nang Mesir mutuku batakuka bitinge,’ pia kum nyapnamle. Anggun talina uk unamsile.

Keluaran 7:13

Winibuk bukni, Firaun el talima kat kibukce, ‘Sik nyapmarak yupu ara, kum kekepnune’ tenebuk. Malye kibuka kekena kum ubuka deiyok ara, Allah el si Yahweh arye, Musa ati, ‘Firaun kum kekepnamsile’ nyapdeiamuk touk winibuk.

Keluaran 7:14

Yahweh arye, Musa biti, nyabuk. “Firaun talima kat uplirye, Israel ninye bana ati, ‘Telebe dabilulume,’ pia kum nyapnamle,” nyabuk.