Keluaran 39:41 - Eipomek

⁴¹ Aning nirya akunum deibikopura, Allah el si erena ati, Teleb Lek Aik talibuka, pil dona nang, imam nang arye apil donamik talak, sik ongon baju ton, wibuka kintinip deiamik. Ara, imam nang sik weik deiyoknye Harun ap, tonda, el melina ati, el mapu ap, sik imam pil talibuka don nang ongopnamik baju ati, wibuka memebuka deiamik ning, Musa el dam bobuka yana deibik.

Keluaran 39:41 Referans Kwoze

Keluaran 39:1

Bezaleel ap, Aholiab ap, sikce imam nang, sik baju ongobuka, Allah el si eren aik pum tam bukni, Pia Teleb Lek Aik pil don talak ongon ati, baju wiprik. Abaju el urasin ara, pia teleb kain lenan baju uamuk. Ara, kain wol el urasin ara, warna biru ning ap, warna unggu ato ning ap, ining bi merah ning ap, deice deibuka wiprik. Ara, Allah Yahweh arye, Musa ati, “Imam nang anggun deiyoknye Harun, el ongon baju ton, winibuka-winibuka wipnamlume,” nyadeiamuk touk, ubuka wiprik.

Keluaran 31:10

Tonda, Allah na si eren aik pum tam pil dona deiyoknye Harun ap, el mapu ap, anyaik donamak talak ongonamak baju babye, narye nyapnye touk memepnamake. Na si eren aik pum tam pil donamak nang ara, Allah ap, ninye ap ansinilina deiyok nang unamake ati ara, sik pil donamak talak abaju ongonamake.

Keluaran 28:2

Musa an adiparyuk nyapmenyeba, na Allah Yahweh si eren aik, pil dona deiyok nang arye, ongonamak baju ara, Harun el ongona ati, teleb baju wipdeipnamake. Winipminyeba, Harun bira abaju ongopliba, ninye nirya eibikirye, ‘Elda, Allah si eren aik pil dona deiyoknye ulula ati, elda mambulnyeʼ tenen, elti, telebe nyabuka, kanye delinamake.

Keluaran 28:40

Aning atonun, Harun el mapu babye, sik ongon ati kemeja baju ap, deiatinga delina ap, tonda kisok koulongon kain ap, wibuka kintinipnamlume. Winipmunyeba, Israel ninye anang eibicopura, ‘Se, sik anang ara, mambul pil don nang unmake,’ tenebikirye, anang ati telebe nyabuka kanye delinamake.

Keluaran 39:40

Tonda, Allah el si eren aik bukni, bai tam kain arye poka antanabuka dopnamik ning ati, cang kain dobuka lap kwetepnamik kain ap, akain ayukumna poka yo ap, ayukumna yo, ‘Tuku bol piplyakʼ tenen, el amu tam kat ning perunggu arye, palibuka delin ning ap, tonda, anyaik dam poka bublan dam lalkwetena ati, pala kaluna ap, kaluna kitina tapu ap, tonda, adoltakna aik bibikuka delina ati, tatca yo ap, aning nirya dobuka, Musa el dam boyanuka deibik. Ara, Allah el si eren aik pum tam upnamuk ning aning-aning nirya ara, akunum memebuka, Musa el damak boyanuka deiamik.

Keluaran 39:42

Sik Israel yala ninye, weik kel bikamik nang nirya arye, apil nirya akunum dobuka sirya dakik. Ara, Allah Yahweh arye, Musa ati, “Winipnalyame,” nyamuk touk, aning nirya pil dobnin balamik ani, akunum sirya dakikce, aning nirya Musa ati bobuka arebik.

Keluaran 28:28

Winipnaluma deiyok ara ani. Ara, taram dam daralongona ati, emas cincin amu tam ning ara, adiparyuk mirin koprop tapu arye, Efod baju emas cincin kirikdongopmamunye sukumuk libuka dukdongopnalume. Winipmunyopura, atapu arye, imamnye ongonamle deiatinga, binuka dukdongobuka deipnalume. Winipmunyeba, taram dam lelilongona ati, abaju deice, keil 12 taplak deipnamlum ning ara, deiatinga itam kipnamle anya arye, ‘Taram deice uk tuba aupnamle ning ara, kwiribuka saklyakʼ tenen, winipnamlume.