Tonda asum aryuk, Allah el si Yahweh, el si eren aik urasin dam ara, weik lo ton aupmok ning ara, Salomo birye bublan kuka, teleb kipdeibuk. Winina ati ara, alo noutam Salomo birye aning-aning weik arye Allah ati arebuk. Elce arebuk ning ara, ‘Allah si erepnuyap’ tenen, kam ning obukabukce, uku dongobuk. Tonda, ninye koulamak ning gandum ap, aning atonun bukni, yuk ning ap arebuk. Tonda, ‘Allah ap, ninye ap, teleb ubuka neika unamap’ tenen, kam ning arepmek ning arye, meta ap, tuba aupmok ning ara, weik arye ton arebukce uku dongobuk. Ura, Salomo birye, aning-aning nirya, Allah el si eren aik buru tam weik lo noutam arye arebuka deiyok ara, ani. Ara, Allah arena ati weik pala keil dobuka, pala keil yangapdeiamik ning ara, mitik ati ara, asum arye aning-aning nirya arebik ning ara, pia weik ati, akeil pala kintinip deiamik adeice arye, aning nirya deipmanto kum ubuk. Akeil deice ara mitik lo ubuka ati ara, talye arye yuk sukumuk arebuk.
Keluaran 39:39 - Eipomek39 Tonda, ‘Allah arye nun malye ning kilipnamsilirye, lyepnamsilʼ tenen, el arin ning ati, kam ning obuka, uku dongonak mesba ap, teleb kat ning perunggu arye, kawat wilamak atonun ubuka, deimik ning ap, aning dam pil dona ati, alat aning-aning nirya ap, tonda, aning bobuka bana ati, ara yo ap, tonda sik imam nang taruk ap, yan ap, mek likna ati memebuka deiamik mek makau ap, amek makau amu tam dukdongobuka, delin ning ap, kintinip deiamikce, Musa el damuk boyanuka deibik. Gade chapit la |
Keluaran 39:39
7 Referans Kwoze
Aboyanuka delilamik perunggu ara, Allah el si erena ati, tenda aik bublan dam, el tikilin yo, ‘Tuku bol piplyakʼ tenen, ayo amu tam yangalin ning, el si alas kaki ton, puturubuka deibik. Tonda, ‘Allah arye nun malye ning namin kipsilirye, lyepnamsilʼ tenen, kam ning obuka, uku dongonak delina ati ara, teleb kat ning perunggu arye, amesba dobuk. Tonda, amesba pil don ning, kawat tapu wilamak atonun ubuka, deibuk ning ap, tonda, kam ning obuka uku dongonak pil don ning aning-aning nirya kentinip deibuk.
Winipmunyeura, urasin teleb kat ning, perunggu arye, dobikirye, uku dongon yo deilinak ati, el si anyaman kawat tapu arye wibuka kintineipnamlyame. Aning dobuka deipmunyeura, dekuka atonun ning ati, perunggu arye aning dumbarye memebuka kintineip deipnalyame. Ara, dana-dana tam nirya, ara bobana babye, otam babye, utam babye, itam sirik nirya ara, kintinibuka deiamunyak, ara ayo cang apum dongonamlulume. Ara, auku dongonak bobana ati, ubuka kintinipnamlulume.
Mek kwebuka, delin ning tonok ton, kat teleb ning perunggu arye memepnamlume. Memepmunyopura, adeice taplakan ning ara, perunggu aryuk, taplak deipmunce, memepnamlume. Akunum memepmunyopura, aning dobuka, Allah si erena ati, Allah ap, ninye ap, el dan aik otam, kam ning obuka uku dongona ati, keil yangabuka, taplak deiplumak, atam uplibuk, dana tam lilun binuka, amek makau delin ning, asukumuk deipnamlume. Amek makau ap, el delina ap, akunum kintinibuka deipmunyopura, mek kwebuka amakau pum tam dikilongonamlume.
Atouk tonda, ‘Allah kekeplirye, kanye deipnamsilʼ tenen, siltong teleb nyan ning, uku dongonak ara, urasin teleb ning emas arye domik ning ap, tonda, ‘Allah el pil don nang wibuka delina ati, apil don talak likna minyak mek ap, siltong teleb nyan ning ap, Allah ap, ninye ap eldana aik, bublan dam bai tam delina ati, weik cang pala kain ap, kintinip deiamikce, Musa dam yanuka deibik.
Tonda, Allah el si eren aik bukni, bai tam kain arye poka antanabuka dopnamik ning ati, cang kain dobuka lap kwetepnamik kain ap, akain ayukumna poka yo ap, ayukumna yo, ‘Tuku bol piplyakʼ tenen, el amu tam kat ning perunggu arye, palibuka delin ning ap, tonda, anyaik dam poka bublan dam lalkwetena ati, pala kaluna ap, kaluna kitina tapu ap, tonda, adoltakna aik bibikuka delina ati, tatca yo ap, aning nirya dobuka, Musa el dam boyanuka deibik. Ara, Allah el si eren aik pum tam upnamuk ning aning-aning nirya ara, akunum memebuka, Musa el damak boyanuka deiamik.
Allah arye Musa ati, ayupu lak nyabuk. Na Allah ati, kam ning obuka, uku yanganak dona ati ara, winibuka dopnamlume. Ara, akasia yo arye dobuka moupdeipnamlume. Amemena ati ara, el mouse yuk-yuk memepdeipmunce, el cang ap, el pala ap ara, neiktoto nun kiplildebuka bitinye karin 2,2 meter kintineip deipnalume (Ara, empat segi neiktoto upnamle). Tonda, atam arye, itam tikilin yo ara, el cang ara, 1,3 meter kiklipdebuka sekmince, kintineip deipnalyame.