Keluaran 33:8 - Eipomek

⁸ Musa adoltakna aik binman talak ara, Israel nang sik aik koproba cang kain aik, bublan dam tikna arye, bita dinmanabuk, Musa yukak dolilamik aik, Allah ap yupu talin aik wekelbalamuk.

Keluaran 33:8 Referans Kwoze

Bilangan 16:27

Nyabukba, Korah ap, Datan ap, tonda Abiram ap, sik tenda aik dobuka unmadikak arye, sik Israel ninye nirya ara, balye tamubukabikce, kisikdakuka yukak bindobik. Winibik talak ara, Datan ap, Abiram ap, Korah ap ara, sik tenda aik dobuka unmadikak arye, sik ap, sik mapu ap, kilapu ap, sik winiryuk deiamik mapu ap, sik yuk-yuk aulamik touk, sik dolamik aik pum tam arye kutukuka, anyaik bublan damuk yanuka wekik.

Keluaran 33:7

Horeb mutuku ulamik talak ara, ninye weik ulamik noutamak kum bukni, Musa cang baju arye doltakna aik dobukabukce, ‘Allah el si Yahweh ap, yupu talinamap’ tenen ati, mitik tonun yukak dopdeibuk. Dobukce nyabuka ara, “Anyaik ara, Allah ap yupu talina ati, barasik dopne,” nyabuk. Yata ninye do nirya, ‘Allah arye na ikin unilye ning yupu bokeipnute’ tenen, patapne nang ara, anyaik dam yangalamik. Adoltakna aik ara, sik Israel ninye ulamik dam kum bukni, mitik tonun yukak dobuk.

Keluaran 33:9

Musa akunum weknopura, im deice arye mitikto dua bum ayukumna atonun kibuka yana arye, el doltakna aik bublan dam yanuka tunim apneba, adua kan-kan Musa ap, Allah el si Yahweh ap neika yupu talilamdik.