Keluaran 29:16 - Eipomek

¹⁶ Winibikceura, ayim domba basam ara, adiparyuk opnulyame. Opminyeura, ance aining dopropmince, na Allah arena ati, kam ning obuka, uku dongona ati, keil pala tablakuka, yangabuka kintiniplum ning, el si mesba damak, bobiminyeura, akeil kup-kup nirya binuka, dana-dana nirya, an taruk duk arye, aining purupdonokminyeba dulbinamlule.

Keluaran 29:16 Referans Kwoze

Keluaran 29:15

Ura, apil ton donamlulume. Ara, yim domba basam, akunum nemlye ning bitinye kintipmace ning ara, tonok ton dobuka yanulyame. Boyaminyeura, Harun ap, el mapu ap, sik taruk dobuka, adiparyuk ayim domba basam kisok deice deipnunyake.

Keluaran 29:17

Ayim domba basam ara, adiparyuk sekuka yuk-yuk kipdeipnulyame. Winipminye ning ara, domba basam dei ap, yan ap, kel yok ap, kisok ap, ance dopmince, teleb ubuka mek liknulyame. Mek likminyeura, adiparyuk aning nirya, basam dei ap, yan ap, kisok ap, tonokak deipnulyame. Ara, mitik-mitik sekuka deipmaminye ning damuk, aning ton tabakua deipnamlyame.

Imamat 1:5

Winipnyopura, anye birye el sapi basam adiparyuk onamlule. Ara, na Allah Yahweh arye elinamne ati, na dam atonun akam ning opnamlule. Oplyopura, asapi basam, el ining dobuka, Harun birye deiplyeba, dadeipdanin banamak nang, sik imam-imam nang ara, Harun birye deiamuk mapu arye aining bobikirye, na Allah Yahweh ati arenamninyake. Ara, Allah ap, ninye ap, ansilinina ati, tenda bol domik aik, el urasin dam tamuk, arepnamninyake. Aning ara ani, sik imam nang arye, akam ning ining ara, dobukabikirye, atouk kam ning obuka, uku dongona ati, keil yangabuka kintinip deiamunyak, akeil el kup-kup dam dana-dana tam binuka dikilongonamnyake. Akeil yangabuka kintiniamunye ning ara, Allah ap, ninye ap ansilinina ati, adolina aik, el urasin dam tamuk dikilongonamnyake.

Imamat 3:2

Asapi basam bobuka yalyeura, anye birye, ‘Anyarepnun ning ara, na malye wininun ning pununa ati, arepneʼ tenen, el taruk dobuka, akam ning, el kisok deice deiplyopura, adiparyuk asapi basam opnamlule. Aning opnulyopura, ninye ap, Allah ap, ansinilina ati, sapi basam bol arye domik doltakne tenda aik wekelbana ati, bublan dam arye binuka onamlule. Oplyeopura, Allah si eren aik pum tam talibuka pil dolamlinye, Harun elce deibukba, deipdanin yangakirye, anyaik pum tam talibuka pil donyak nang, sik imam-imam nang dam boyalirye, yanuka arepnulule. Winipyopura, imam yala nang arye, aopmalye ning, el ining dobukabikirye, Allah arena ati, keil pala yangabuka taplakuka memepdeibikce, ining ning obuka uku dongona ati, el si mesba memebuka deiamunye sukum, mesba el kup-kup dam dana-dana nirya ara, aining ara, el taruk arye burubukabikirye, pala keil taplakuka yangabik sukum obinuka, aining ning deice purup donokikiba, ining dulbinamle.