Keluaran 29:11 - Eipomek

¹¹ Winibuka taruk deibikcopura, ance ayim sapi basam obikirye, na dam boyanamlume. Ara, na Allah Yahweh ap, ninye ap, elana ati, na si eren aik wekelban bisik bublan damak boyakce ning ara, ayim sapi basam ara opnulyame. Winibuka apil dopnuminye talak, “Na Allah Yahweh arye, aninguk dinamsine,” nyapsine.

Keluaran 29:11 Referans Kwoze

Imamat 9:12

Winibukopura, tonda Harun el damnye malye winilamuk ning, kum kina ati ara, kam ning ton obukabukce, kintinibuka deibuk. Kintibukce, opmok ning el ining nirya ara, elce deiamuk nang, el mapu arye, aining dobuka kintinibikce, sik ni koproba ati, binuka arebik. Elce aining dobuka, kam ning obuka, uku dongona ati, keil pala yangabuka kintinibuka deiamikak, el si mesba deice ap, mesba el kup-kup dana-dana tam nirya ap, binuka likdeibuk.

Imamat 9:8

Musa birye nyabukopura, Harun kekebukce, adiparyuk kam ning obuka, uku dongona ati, mesba kintinibika dam bobiyukce, elce malye winilamuk ning ati, ‘Allah arye, na malye winin ning namin kipnilirye, kum kibuka, teleb kipdeipnamnilʼ tenen ati ara, ayim sapi basam mi, winiryuk nenmalye ninguk, obuka bobiyukce, Allah ati arebuk.

Imamat 8:15

Winibukopura, Musa birye asapi basam obuk. Obukba, abanmok ining ara, dobuka, kam ning obuka, uku dongona ati, mesba dobuka kintinip deiamikak, kup-kup sirya dana-dana arye, taca belelamle ning atonun kibuka deiamik deice ara, el taruk duk arye, aining mek burubukabukce, ataca atonun ning deice binuka, likuka deibuk. Winibuka deiyok ara, ‘Amesba nirya ara, Allah Yahweh el ning ukaʼ tenen, merekbukce, teleb kipdeibuk. Asapi basam opmuk ning, tuba aunmok ining bobukabukce, amesba dam bukni, deiyok tam tuku deice, dikdongobuka deipdebiyuk. Winibuka deice arye, amesba ati ara, ‘Allah el ninguk unamlule. Tonda, amesba malye winin ning, aupmalye ning ara, ‘Allah arye, aning kum kibuka, lyepsilirye, teleb kipdeipnamleʼ tenen, amalye winin ning nirya pununa ap, kum kilina ap, apil dobuka deice arye, teleb kipdeibuk.

Keluaran 29:4

Winipminye ning ara, ance Harun ap, el mapu ap ati, nyapnulyame, ‘Sik adiparyuk Allah ap, ninye ap, elana aik bublan damak bilulume, ‘nyapminyeba, ananguk, na ap, elana aik bublan damak yakcopura, anang sik nong nirya ara, ance mek kweipnulyame.

Keluaran 29:10

Apil nirya akunum dominyeura, yim sapi basam kintinipmaminye ning ara, an adiparyuk na Allah ap, ninye ap elana aik bublan damak boyanamlyame. Winipminyeura, Harun ap, el mapu ap, sik nirya ara, asapi basam kisok deice, sik taruk deipnamake.

Keluaran 29:12

Asapi basam opminye sapi el ining ara, ton wibuka dopropmince, adopropminye ining ara, an taruk tatang arye, aining burubuka, na Allah Yahweh si erena ati, kam ning obuka, uku dongonak ati, keil pala tablakuka, yangabuka kintiniplumak dana-dana tatca belebuk deice likdeipnulyame. Ara anggunce, ‘Allah Yahweh elda, nun malye unyap ning lyepnamsilʼ tenen, el arena ati, kam ning obuka, uku dongona ati, keil pala tablakuka, yangabuka kintiniplum ning, el si ara mesba, adeice tam dana-dana taca belebuk deice ara, aining likdeipnulyame. Tonda, aining tupa auplyopura, ance dopmince, akeil pala tablakuka yangabuka, kintinip deiamunyak, mesba deiyok tam dikdeipnulyame.

Imamat 3:2

Asapi basam bobuka yalyeura, anye birye, ‘Anyarepnun ning ara, na malye wininun ning pununa ati, arepneʼ tenen, el taruk dobuka, akam ning, el kisok deice deiplyopura, adiparyuk asapi basam opnamlule. Aning opnulyopura, ninye ap, Allah ap, ansinilina ati, sapi basam bol arye domik doltakne tenda aik wekelbana ati, bublan dam arye binuka onamlule. Oplyeopura, Allah si eren aik pum tam talibuka pil dolamlinye, Harun elce deibukba, deipdanin yangakirye, anyaik pum tam talibuka pil donyak nang, sik imam-imam nang dam boyalirye, yanuka arepnulule. Winipyopura, imam yala nang arye, aopmalye ning, el ining dobukabikirye, Allah arena ati, keil pala yangabuka taplakuka memepdeibikce, ining ning obuka uku dongona ati, el si mesba memebuka deiamunye sukum, mesba el kup-kup dam dana-dana nirya ara, aining ara, el taruk arye burubukabikirye, pala keil taplakuka yangabik sukum obinuka, aining ning deice purup donokikiba, ining dulbinamle.

Imamat 14:13

Ayim domba basam mi dobuka, adiparyuk, ‘Allah arye, nun malye winipye ning namin kibuka kilipnamsilʼ tenen, keil pala yangapdeibikce, kintinip deibikak, el si mesba bikirye, aning nirya obuka sekikirye, uku dongobikceura, ‘Nun malye winin ning nirya namin kibuka, kum kipnamsilʼ tenen, uku dongonamle. Adomba basam ara, adiparyuk, malye winin ning namin kilina ati bobikiba, amalye winilamice ning pununa ati, obuka arenamake. Tonda, aning nirya winibicopura, Pia Teleb Lek Aik, anyaik pum tamuk arenamlule. Deiyok ara, sik malye weik winibikce ning kanye imun tenen ning kilina ati, sik malye ning pununa ati arena ning ap, abitinye ara, Imam nang, sik ning ulule. Tonda, aning nirya ara, Allah el ninguk ulula ati, malye un ning kumura, pia teleb lek ninguk ulule.

Imamat 4:4

Ayim sapi basam bobuka, Allah ap, ninye ap ansinilina ati, sapi bol arye domik doltakne tenda aik bublan botobuka deiamikak, asapi basam bobuka binamlule. Bobuka bilirye, aimam deiyoknye, el bidamnye aryuk, aboyanuka deipmalye yim sapi basam, el kisok deice, el taruk dobuka deiplirye, asapi basam ara, onamlule. Ara, ‘Aopman basam ara, na ni Allah arye eipmalce, na malye winina pununa ap, kum kilina ap ati, dopropnuleʼ winipnamle.