Keluaran 28:25 - Eipomek

²⁵ Tonda, arantai tapu sirya yuk tam ning ara, Efod baju akunum kintinipmamunye ning ara, takunya deice emas ning arye, wibuka deipmamunye sukumuk, arantai tapu ara, koupdongopnamlume. Ara, Efod urasin tam koupdongopnamlume. Winipmunyeba taram dam lelina ati ongolamak baju mitik tonun ting atonun ning ara, balye tam arye lapkwetebuka, taram tam dukdongopnamlume.

Keluaran 28:25 Referans Kwoze

Keluaran 39:15

Tonda, taram deice lelilongon ning, ting atonun ning ara, rantai tapu ato ning bitinye ara, kat ning emas arye deibuka doprik. Ara, aling tapu ongonyak atonun ubuka, deiprikce, doprik.

Keluaran 39:4

Aning akunum winipdikura, el dukulongon ning bitinye ton, Efod baju toupne deice dana-dana arye, dukdongobuka deiprikce, kitiprik. Ara, Efod baju ting dam kibuka, daralongona ati, Efod baju kouna dana-dana yanuka, deibuka dukdongopdik.

Keluaran 28:14

Tonda, dekna weik kat ning, emas ton dobuka, kat tapu rantai bitinye kintineip deipnamlume. Aning ara, basam turya bolamaka urasin atonun ubuka, kintineip deipnamlume. Arantai emas tapu akunum kintinipminyopura, arantai bitinye dobuka, urasin teleb ning, el si bingkai deice taplak deipmince, efod ara, mulaca deice wibuka dukdopnamlume.

Keluaran 28:7

Allah aik pil dona deiyoknye, taram lilina ati memepnamle ning, el si Efod, aning takunya deice, sirya dana-dana ara, tapu welepliba takunya deice koulongona ati, tapu ton kitibuka wipnamake.

Keluaran 28:11

Yakub el si ton ning ara, Israel, elce deiamuk mapu, sik nirya ara, 12 nang anya arye, sik si ara, 12 ubuka seknamlum ning ara, dekna weik urasin teleb keil deice, weik kel nang arye, ninye urasin atonun kibuka sekenyak touk winibuka, asi nirya sekenamlume. Asi akunum sekmunyopura, akeil bitinye dana-dana, dekna weik ning, el si emas dobuka, urasin teleb ning, el si bingkai arye memepdeipmunce, aning dobuka akeil bitinye, sirik tam taplakuka delinamlume. Winipminyopura, urasin pia teleb upnamle.

Keluaran 28:24

Winipmunyopura, dekna weik ning emas arye, min kintinipmamunye rantai tapu bitinye dobuka, emas deice arye cincin ato ning, tupne ongobuka wipmunce, aning atonun kibuka memepmamunye ning, taram deice ongonamle ning bukni, deice tam sirik tam wipmunye ning ara, rantai tapu arye dukdopnamlume. Acincin kintinipmamunye bisikuk, arantai binuka dongobuka deipnamlume. Ara, taram deice ongopnamle ning, sirya dana-dana deice tam binuka dongopdeipnalame.

Keluaran 28:26

Tonda, urasin teleb ning, emas deice arye cincin ato ning bitinye wipnamlume. Wipmunyeura, taram lelina ati baju wipmamunye taram tam, deipnamlume. Ara, Efod baju upmalye sukumuk deipnamlume.