Keluaran 27:6 - Eipomek

⁶ Aning dobuka bobana ati, akasia yo cang bitinye kintineipnulyame. Amoudeiplum yo deice ara, urasin pia teleb kat ning, perunggu arye, palibuka deibuka dopnamlume.

Keluaran 27:6 Referans Kwoze

Bilangan 4:44

Sik Merari yala ninye, sik yupa ara, tiga ribu dua ratus (3.200) nang ulamik.

Keluaran 30:4

Siltong teleb ning uku dongonak, el si mesba ati, memeplum ning, amu tam dana-dana arye, pala yo dongona ati, cincin ato ubuka, talin ning tupne dam bitinye atonun ubuka deipmunce, kintinipnamlume. Acincin ara, mesba talibuka bobana ati winipnamlume. Tonda, yo cang dongona ati, acincin ato ning ara, urasin teleb ning, el si bingkai kwanibuka, ongopdongopmamunyak, amu tam deipnamlume.

Keluaran 25:5

Tonda, yim kambing basam obuka, bola kobuka, ining bi ning likiamikce ning ap, tonda laut mek kwen pum noutam ulamle ning, el si lumba-lumba, el bola namin teleb ning ap, tonda akasia yo ap, arelyanganamake.

Keluaran 25:11

Adopnamlum Peti Perjanjian yo ara, ‘El urasin teleb upnamleʼ tenen, pum tam babye, bol bai tam babye nirya ara, urasin pia teleb kat deken ning, el si ara emas, pia teleb ning dobuka, amarikna deice taplak deipnamlume. Aning emas memepnamlum talak ara, yuk kat ning ton tabakna kume. Emas, pia teleb lek ninguk memepnamlume. Tonda, ayo Peti Perjanjian kup-kup tam urasin teleb una ati, yo puturubuka delinamak ning, el si ara bingkai babye, emas dobuka, aning deice taplak deipnamlume.

Keluaran 27:5

Awibuka ketenepnamlum kawat, el si anyaman, aning nirya ara, akunum winipmince, kam ning obuka, uku delinak noutam dongopnalyame. Aning perunggu arye wipnalam kawat deice tam babye, amu tam babye, mitik lo ton lopdipnalyame. Awimamunye kawat ara, uku dongonak, el noutamakuk, yangabuka deipnalame.

Keluaran 27:7

Ining ning obuka, uku dongonak dobuka binuminye talak ara, aining ning uku dongonak, el dana-dana tam potokamunce, memebuka kitinyamunye cang yo binuka dongopmunce, erebuka bobanamlume.