Keluaran 26:29 - Eipomek

²⁹ Anyaik dona ati, ayukumna yo ikuka, abilinga pipnamlung ning ap, el aik apanya yo ap, deipnamlum ning nirya ara, urasin teleb kat ning, el si emas arye, ayo bola deice nirya taplakalinamlume. Aning atonun, anyaik wirikin yo deipmunce, talina ati, tupnedama atonun wina ati, urasin pia teleb ning, emas aryuk wipnamlume.

Keluaran 26:29 Referans Kwoze

Keluaran 25:27

Aemas arye bubik atonun ning ubuka, meja kup-kup tam wibuka, bisik botopdeipmunyak ara, ameja talena ati, cang yo dongobuka bobanamlume.

Keluaran 26:28

Winipmunyopura, anyaik el kolokon yo, noutam deipnamlum ning ara, abilinga noutam-noutamuk delinamlume. Allah ap, ninye ap eldana aik noutam nirya ara, atonunuk winibuka, deipmunce dopnamlume.

Keluaran 26:30

Na Allah Yahweh arye, na si erena ati, ninye ap, na ap, el dan aik dona ati, “Musa anti, wininamlyame,” nyabuka, lak nyapkise touk, anggun adiparyuk anyaik dopnamlume. Ara, Sinai mutuku deice arye, yupu talipmanume talak arye, nyapkise touk, anyaik ara, dopnamlume.

1 Raja-Raja 6:20

Acang aik noutam pia Teleb Aik kintinibuk aik ara, el cang ap, pala ara, 9 meter kiklibuka dobik. Winibukopura, emas urasin teleb ning ara, abilinga deice taplak dongobik. Aning atonun kepyal yo lakase domikce, Allah el arena ati kam ning opna arye, ining likildelilamikak adeice ara, emas ton taplak dongobik.

1 Raja-Raja 6:22

Winibika ati ara, adobik aik abilinga urasin nirya ara, emas dobukabikce taplak dongobik. Tonda, pia Teleb Aik pum tam ara, kepyal yo lakase arye domik marikna ara, amarikna babye emas dobuka adeice taplak dongobik.