Keluaran 26:17 - Eipomek

¹⁷ Anyaik dukdongobuka donak nirya ara, yo nong deice bisik bitinye, yuk-yuk potokuka kintineipnalume. Winyamunya arye, ton tam ning arye, ton tam ning yangapdeipbuka, dukdongpnamlume.

Keluaran 26:17 Referans Kwoze

Keluaran 36:24

Anyaik el abilinga atonun ning ati ara, rangka yo dua puluh (20) kintinip deibik ning nirya, bisik yuk-yuk botopdeibik ning noutam dongona ati, yo lubuka deibik ning, abisik dongobuka, ton abilinga kain ap, ton abilinga kain ap, dukdongobuka delina ati talen ning ara, bita teleb namin ning, perak dobuka, ayukumna yo amu tam, el yangalina ati ara, 40 kintinibuka deibik. Ara, ayo ayukumna nirya baripmek yo amu tam ara, ‘Tuku bol piplyakʼ tenen, dekna weik ning, perak arye yangapdeibik.

Keluaran 36:22

Anyaik ayukumna yo cang kintinip deibik yo nirya ara, ton tam ning babye, ton tam ning babye, bisik botobuka kintinip deibik. Kintinip deipmekce ton yo babye ton yo babye nirya ara anyaik ayukumna barin yo ton kintinibuka deibikce, dukdongobik.

Keluaran 26:19

Abilinga pina ati ayukumna yo, el si rangka, dua puluh (20) kentineibuka deipmunce, dopmamunyak ara, ‘Ayo tuku bol piplyakʼ tenen, ayo amu tam ara, el taplak dongobuka, urasin pia teleb namin ning, el si perak, takubarye empat puluh (40) kentineip deibuka, aning arye makdongobuka dopnamlume. Tonda, abilinga pina ati ayukumna yo, el si rangka, el deiyok tam ara, dekna teleb namin ning, el si perak arye, el angnulongona ati, bitinye-bitinye kintineip deibuka deipmunce, taplakuka dopnamlume.

Keluaran 26:16

Allah ap, ninye ap eldana aik dona ati, asukum arye ubuka, eitam tikilin yo, el cang ara, 4,5 meter dekuka kintineipnalume. Tonda, anyaik dona ati, el ikuka tikeipnamak yo, el si rangka, el pala ara, kiklipdemunce, 66 sentimeter uk, kiklibuka dopnamlume.

Keluaran 26:18

Allah el si erena ati, kain arye doltakna aik, eitam (arah selatan) deibuka iknamlum ning, ayukumna yo, el si rangka, nakub dikin (20) yo sekuka kintineipnamlume.