Keluaran 25:12 - Eipomek

¹² Amarikna yo puturupmunyopura, el barwu, dana-dana yuk-yuk, ton tam bitinye, ton tam bitinye, tounedama wilamaka atonun ubuka, kat dekna weik ning, emas arye memepmunce, bisik yuk-yuk botopdeipnamlume. Akintinipnamlum bisik ara, cang yo dongobuka, amarikna pum peti bobana ati, kintinipnamlume.

Keluaran 25:12 Referans Kwoze

Keluaran 38:7

Acang yo bitinye kintinibuka, deibuk ning ara, tupne dama atonun ubuka, dana-dana wibuka memebuk pum bisik, asukumuk, ayo dobuka dongobuk. Ara, amesba cang yo deice arye bobana ati, apil dobuk. Aining ning obuka, uku dongonak memena ati ara, pala yo aryuk memebuka dobukce, ayo deice nirya ara, kat ning perunggu arye, taplak deibuk bukni, ayo pum tam noutam nirya ara, talye pum diamuk ubuk.

Keluaran 37:5

Acang yo dobukabukce, anyalin yupu lilin yo pum tam, taplakna ati toupnedama atonun ubuka, puturubuka kintinip deiamuk, kin-kin bisik dongobuka deibuk. Ara, amarikna Peti Perjanjian bobana ati winibuk.

Keluaran 27:7

Ining ning obuka, uku dongonak dobuka binuminye talak ara, aining ning uku dongonak, el dana-dana tam potokamunce, memebuka kitinyamunye cang yo binuka dongopmunce, erebuka bobanamlume.

Keluaran 26:29

Anyaik dona ati, ayukumna yo ikuka, abilinga pipnamlung ning ap, el aik apanya yo ap, deipnamlum ning nirya ara, urasin teleb kat ning, el si emas arye, ayo bola deice nirya taplakalinamlume. Aning atonun, anyaik wirikin yo deipmunce, talina ati, tupnedama atonun wina ati, urasin pia teleb ning, emas aryuk wipnamlume.

Keluaran 25:26

Winibuka, dopmunyopura, ameja pala bobana ati, anirye welepmalye yo, el barwu dana-dana ara, kat ning el si emas arye, toupnedama wilamaka atonun, memepmunce, bubik atonun ubuka, bisik dumbarye kintinipnamlume. Ameja el yan dumbarye damuk memepnamlume.

Keluaran 25:15

Ayo peti marikna, el si Peti Perjanjian dana-dana tam, cincin bisik atonun ubuka, emas arye memepmamunye bisik ara, acang akasia yo akunum dopmunyopura, tuba ton kum kulonamlume. Acang yo ara, abisik-abisik pum tamuk, pia aupnamlule. Ton kulona meme.

Keluaran 25:11

Adopnamlum Peti Perjanjian yo ara, ‘El urasin teleb upnamleʼ tenen, pum tam babye, bol bai tam babye nirya ara, urasin pia teleb kat deken ning, el si ara emas, pia teleb ning dobuka, amarikna deice taplak deipnamlume. Aning emas memepnamlum talak ara, yuk kat ning ton tabakna kume. Emas, pia teleb lek ninguk memepnamlume. Tonda, ayo Peti Perjanjian kup-kup tam urasin teleb una ati, yo puturubuka delinamak ning, el si ara bingkai babye, emas dobuka, aning deice taplak deipnamlume.

Keluaran 25:13

Apeti yo, cang yo bobana ati, memepnamlum yo ara, yo si akasia yo aryuk dobuka memepnamlume. Amemepdeipnamlum yo deice ara, urasin teleb una ati, kat dekna weik ning, el si ara, emas aryuk taplak deipnamlume.

Keluaran 39:16

Tonda, sikce kat ning emas arye, toupne dama ato ning bitinye wiprik. Aning atonun, emas arye, cincin urasin atonun ning ton kintiniprik. Winiprikce, ataram deice delin baju, ting urasin ato ning ap, acincin ato ning ap dobuka, aning eitam sirik dana-dana deiprik.