Keluaran 21:5 - Eipomek

⁵ Bukni, winipmanto ning ara, anyaik pil melinanye birye, “Kume, na kil ap, na mapu ap, tonda yo bok deice deknuknye bira, anyaik deiyoknye ak, kanye deilinuna ati, sik nirya ati batakuka kum binamne,” teneplirye, nyaplyopura, el anye kum binamlule.

Keluaran 21:5 Referans Kwoze

Yesaya 26:13

Se, nun ni Allah Yahweh, yuk mutuku nang arye, nun dam yanuka, obuka sirya daksikba, sik ninye deiyok kiamik Raja nang arye taleamsike. Bukni, nun ni Allah, nunda an siuk erekinyabe.

Keluaran 21:4

Bukni, anyaik deiyoknye birye, el pil melina ati, kil dona kumnye ton yo bok deice deklirye, anye biti kil ton arepliba, dobuka ulamlya ani, anye ap, el kil arye, mi do, kilmu do, deipnamdak mapu ara, anyaik deiyoknye el ninguk unamake. Aning atonun, siknin babye, anyaik deiyoknye el ninguk unamle. Amapu ap, akil ap anyaik tuba unamake. Anyaik pil melinanye bataknamle talak ara, el domlye kil ap, sik mapu ap ara, batakuka el yuk dem banamlule.

Keluaran 21:6

Winiplinye bira, el deiyoknye birye adiparyuk bobuka, Allah el si eren aik dam bobinamlule. Akunum bobilyopura, adeiyoknye birye, el aik bublan dam ayukumna yo ikamicak binuka, ‘Asukum tiklyame nyaplyeba tiklyopura, el deiyoknye birye, kat ning tatce kecamice ning doplirye, apil melinanye el amul potoknamle. Winibuka potoklirye, bitinye kiplyopura, el apil melinanye birye, anyaik deiyoknye biti, pil melibuka donanye pia unamle. El kam unamle talak nirya ara, anyaik deiyoknye birye, dekne ning ton kum arepnamle bukni, pil tuba melibuka donamle.