Keluaran 19:13 - Eipomek

¹³ “Amutuku yaniplirye bilyopura, anye bira adiparyuk keil dobuka el nong deice dopmunce oplopnamlulume. Akumopura, yin arye dobuka opnamlulume. Aoplobikce ning koproba ara, nong bol pina pia meme. Tonda, yata kam un ning do, ninye babye, yuk yala ning nirya babye, domba basam do, kam do nirya, amutuku dam bana kume. Nun bitinye arye nyapmanamak bikcopura, kam pia kum unamake. Ona dem uka. Bukni, na Allah arye nyapnyopura, ninye arye yim domba basam el yang pum bisik arye pubikiba, pong abuka lelim nyapnamle. Lelim weika nyapliba kekebikirye, anang nirya amutuku dam yanamake. Yuk talak ton kume,” Allah arye Musa biti nyabuk.

Keluaran 19:13 Referans Kwoze

Ibrani 12:20

Aning morobika deiyok ara ani. Aweik yupu arye nyabuk. ‘Amutuku ara, pia memak anya arye, sal do, kilapu do? Ura, talye kam ulul ning babye, yata ning do nirya, amutuku dam yakirye, amutuku tuku yanibikcopura, sik yuk ninye nirya arye, adiparyuk keil cobuka anang, sik nong deice cobuka onamlulume, nyabuk.’ (Keluaran 19:12-13)

Keluaran 19:19

Asum talak, yim domba basam yang dobukabikce weik arye pong-pong anmek ning ara, lelim ara mitik tonun nyanmek. Bukni, uku birye tabakuka bilkong nyana weik arye lelim nyanmok. Awininmokba, Musa birye Allah ati nyabukba, Allah arye tamubuka yupu nyabuka ara, liman olamle atonun yupu Musa biti nyabuk.

Keluaran 19:16

Like winilye akunum uplyopura, asum beren tam, bebeya lakuka, liman obukba, Sinai mutuku deice weik dua welebuk talak ara, bilkong nyana weik arye nyabukba, aulamik ninye kekebikce, lukdanuka kwepdayikce, ilil ubukura, sirim talibuk.

1 Tesalonika 4:16

Aning ara, urdemuk, talya kum nyapsine. Nun Deiyoknye im deice arye kwerebuka yanamle talak ara, elce weik yupu nyaplibuk, im deice pil don nang malaikat, sik deiyoknye birye, weik yupu nyana ap, Allah el im deice bung-bung ana el si ara, terompet arye lelim nyana ap, anirya akunum winiplyopura, sik Kristus diba tenelamik bukni, akunum diamik ninye ara, minopce kam bukeiplibuk, dua kan-kan noutamak welepnamake.

1 Korintus 15:52

Urasin ap, nong ap, yuk ning kipdeipnamsil ning ara, bebeya lingum ana pia minopce bebeya lingum alamle touk, tonda asing kuplamalamak touk, sirya talak Allah el bung-bung ana, el si ara, terompet, lelim nyaplyopura, aning nyaplye talak aniryuk, nong yuk ning kipdeipnamsile. Sik asa kume, minopce adiparyuk urasin yuk kipdeipnamsile. “Winipnamsil,” nyapmasina ara, talye kume. Sirya talak terompet lelim weik arye nyaplyopura, dib tenebik bukni, akunum diamik ninye ara, Allah arye kam bukeiplirye, kum lyupmanto nong, winiryuk ning arepnamle. Winiplyopura, nun dib tenebuka, kam tuba unyap ninye ara, atalak aniryuk urasin ap, nong ap, urasin pia yuk, teleb ning arepnamsile.

Keluaran 19:14

Nyabukura, Musa amutuku dup arye koulukukce, anang ati melibukba, ‘Allah el ‘Naʼ tenen, nang, pia teleb ninye unamap’ tenen, talima kintinibikce, sik baju mek likuka kintinibik.

Keluaran 19:17

Anirya winibuk bukni, Israel nang ap, Allah ap elana ati, Musa birye Israel ninye nirya bobuka biyukba, amutuku dam amu tamuk binuka tikmek.

Keluaran 34:3

Amutuku welepnuminye talak ara, yuk nang tonap tabakuka kum yatinge. An ap tonoknye babye, melibuka welena pia kume. Tonda ninye tonok babye, omutuku dam lake kina pia meme. Domba basam babye, sapi basam babye nirya ara, amutuku dam maning dina kume,” Allah arye Musa biti nyabuk.

Hakim-Hakim 20:37

Benyamin yala nang arye, Gibea asik dolamikak batakuka, ‘Israel nang opnuyapʼ tenen, otam arye mitik karenak binmekba, sik Israel yin nang, anyasik dolamika dam duknupmek nang nirya ara, adiparyuk Gibea mutuku noutam yanuka wekik. Sik Gibea, weik asik dolamik noutam wekikce, sik parang ya bopmeka arye, anyasik dobuka ulamik nang nirya oltaknauk unmekce, sirya dakik.