Keluaran 17:8 - Eipomek

⁸ Israel ninye, Rafidim mutuku noutamak tuba unmek talak ara, Amalek yala nang arye, ‘Israel ninye opnamap’ tenen, amutuku yanuka warikmekce, Israel nang ati, mal dolyayik.

Keluaran 17:8 Referans Kwoze

1 Samuel 15:2

“Ura, aning-aning nirya, deice tam ulirye, aning nirya talilula deiyoknye, Allah el si Yahweh arye, nyapmakile. ‘Narye Amalek ninye nirya, wenebuka opnamane. Ara, urdem ati kum bukni, sik apu yapu Mesir mutuku arye, bisik yayik talak ara, Amalek nang arye, duknupdopmekba, sik Israel ninye mangkau kanye bobuka yanganmikce, Amalek nang arye obika ati, anang wenebuka opnamane.

Kejadian 36:12

Esau el mi Elifas bira, kil tonok ton dobuk kil ara, el si Timna ulamuk. Akil arye, el mi Amalek deibukba, Esau el kil Adah birye, anang ati, ‘Na mapu’ nyalamuk.

1 Samuel 30:1

Like winilye deice arye, Daud ap, el melina yin talin nang ap, mutuku si Ziklak mutuku biyik. Atalak ara, Negeb mutuku nang ap, Ziklak mutuku nang ap nirya ara, sik Amalek yala nang arye, akunum olyangalamik. Olyangalamik ani, sik Ziklak mutuku ulamik ninye ara, obuka sirya dakamikce, sik aik nirya, uku dongobikba dibuka, sirya dakrobuk.

Bilangan 24:20

Bileam birye Amalek ninye ulamik mutuku dinmokce, tabakana ati, ayupu tonap nyabuk. “Aminyan dotalak winipnamuk ning ati, yupu tonap dukdongobuka nyapnusine. Amutuku-amutuku nirya ara, anggun Amalek ninye aryuk talibuka umumce, weik mambul ninye ululume. Bukni wini talak akunuma, sirya talak ara, anggun obuka yaknamsiake. Ara, talye ati kume. Amalek ninye obuka sirya dakikiba, kum danamake.” Bileam birye nyabuk.

Mazmur 83:7

Sik yu nang arye, ninye ona ati, yupu talinyak nang ara, ani. Ara, sik Edom tam unyak nang ap, tonda, Ishmael yala nang ap, daulamik. Tonda, sik Moab tam unyak nang ap, Hagar yala nang ap, tonda, sik Gebal yala nang ap, Amon yala nang ap, Amalek yala nang ap, ‘Neika unamabe,’ nyabuka, nyalin yupu deice arye nyalanmik. Tonda, sik Pilistea mutuku nang ap, weik asik el si ara, Tirus mutuku noutam ulamik nang ap, nyalin yupu deice arye nyalanmik.

Kejadian 36:16

Korah ap, Gaetam ap, Amalek ap, ulamik. Anang nirya ara, Elifas birye, Edom mutuku ulamuk talak noutamak arye delilamuk. Sik capu kil bira, Esau el kil Adah ulamuk.

Keluaran 17:1

Atalak ara, Israel ninye nirya, Allah el si Yahweh arye, “Aning ara, wininamlulume,” nyabuk touk, amutuku-amutuku nirya bisipnin balamik. Balamika ani, mek kumak anya arye, ninye kum ulamik mutuku, mutuku si Sin mutuku arye dinibukabikce, mutuku si ton Rafidim mutuku biyikce, cang baju arye barasik, binuka dobik. Aik dobik bukni, amutuku noutamak babye, mek pia kum uamukba, sik Israel ninye arye mek kum dinmek.

1 Samuel 27:8

Aulamuk talak ara, Daud ap, el melilamik yin telen nang ap, sikce yuk mutuku ninye ati, ninye olbalamik. Ara, Gesur mutuku noutam ulamik ninye ap, Gersim mutuku noutam ulamik ninye ap, tonda Amalek mutuku noutam ulamik ninye ati olbalamik. Sik ayala ninye nirya ara, minop talak arye, amutuku noutam ulamik. Amutuku noutam ulamikba, Daud elce mal pibalamuk ninye ara, Sur mutuku arye dipdongobuka, Mesir mutuku tam ulamik ninye ati, olbalamuk. Sik nirya ara, minop talak arye, Mesir mutuku dam ulamik.

Kejadian 14:7

Obuka sirya dakikura, tamubukabikce, En-Mispat mutuku noutamak, (ton el si ara, Kades mutuku) biyikce, sik Amalek nang obuka, sirya dakik. Amalek ninye taleamuk mutuku-mutuku tam nirya, alabuka doprobik. Aning atonun, Hazeson-Tamar mutuku ulamik nang, Amori nang babye, obuka sirya dakik.

Bilangan 13:29

“Tonda, Amalek yala ninye ara, Negeb tam unyake. Het yala ninye ap, Yebus yala ninye ap, Amori yala ninye ap, mutuku kon deice unyake. Tonda, Kanaan yala nang ara, weik laut mekwen dam arye dipdongobuka, ‘Yordan mek kup-kup unyake,’ nyabuka, yan laka nyabik.

Hakim-Hakim 6:3

Midian nang arye, Israel ninye taleamik talak noutamak nirya, Israel nang sik dina koulamik ning wa dam akunum koubuka, aik yan talak ara, sik Midian nang ap, Amalek nang ap, tonda keting yangan tam yuk yala nang nirya ap, Israel ninye sik wa wibuka koulamik ning ubula dona ati, sik mutuku-mutuku nirya bululyanuka, adiparyuk sik wa wilina nirya, ubula dalubuka dololamik.

1 Samuel 14:48

Atalak noutam nirya ara, Raja Saul akunum Israel, sik ninye deiyoknye Raja wipdeibikba, tikuk. Winibuka tikuk talak noutam nirya ara, dan mutuku nang do nirya, sik Israel ninye ati, mal olan nang olbalamukce, Amelek mutuku ninye nirya ara, obukabukce, malye kilamuk.