Keluaran 17:12 - Eipomek

¹² Wininmekbuk, Musa el mitang ubukba, Harun ap, Hur ap, sikce keil pala dobuka deiprikba, Musa akeil deice bukuk. Bukukopura, Harun ap, Hur ap arye ‘El taruk batakdongobibyopura, kum bataknamal’ tenen, Musa el taruk dana-dana talibuka erepdeipdikba, Musa el taruk tuba mikip arye erebuka talipmarik talak ara, el kama daraptalipmokba, Amalek nang ap, Israel nang ap, mal pia olanmek ani, keting kum ubuk.

Keluaran 17:12 Referans Kwoze

Yesaya 35:3

Ati ara, taruk sekamliba, mitang ulamle ninye mikip kilina ap, gutam uk dilamlirye, milmil koulamle ninye ap, gutam uk dilye ninye ap mikip kilinamlulume.

Pilipi 1:19

Ara, talye ati kume. Anggunce nati, Allah moronululum ning ap, Yesus Kristus el Kanye arye, melinulul ning ap, deice arye, aikin ning upnilye ning nirya ara, na kanye talima wisinilya deice arye, teleb ulinamnila ati, na kanye deipne nyapsine.

Ibrani 12:12

Aning ati ara, dikdik upsilirye, uk disilye taruk ap, gutamuk disululce lyulamsil ning ap, mikip kililanamlulume. Kanye teniltona kum arye, batakana kumce, pia talibuka unamlulume.

1 Tesalonika 5:25

Ara, nun weit yapu atonun nango, anggunce nunti Allah moronamsululume.

Efesus 6:18

Aning nirya bobuka, unamlum talak noutamak nirya ara, Allah El Dib Kanye arye, anggun kanye talima talisilirye, el mikip deice nyasilye touk, Allah morona ap, aning-aning nirya ap, anggun patan ning ati, Allah morona ap, pia wininamlulume. Ati, ‘Allah El Dib Kanye mikip arisilya deice arye, Allah moronamabe’ tenenauk umunce, talye kanye bobuka, lik una kum aryuk unamlulume. Tonda, batakana kum, pia pi dobuka, Allah ati pia moronamlume. Allah moronamluma ara, ani. Ara, ‘Allah arye wibuka, el mapu kipdeipsuk nang nirya ati, Allah arye melinamsile’ tenen, anggunce Allah moronamlume.

2 Korintus 1:11

Winibuka unanam talak noutamak nirya ara, anggun Korintus mutuku ninye arye nunti, Allah morosululuma deice arye melisululume. Winibuka anggunce nunti Allah morosumunyopura, yuk ninye weik arye nunti tenepsikirye, “Allah, anti ‘Telebe,’ nyapkiyabe,” nyabuka, el si erebuka nyanamake. Ara, ninye weik arye nunti, Allah morolamibyeba, Allah el kanye aniryuk bico tenepsilirye, melisilye ning ati ara, ninye weik arye Allah ati, “Naio, nun morobupe touk, Paulus ap, el melin nang ap, melyamluma ati, ‘Telebe,’ nyapkiyabe,” nyanamake. Na Paulus arye nyapsine.

Yakobus 1:6

Bukni, Allah moropnamlanye bira, kanye bokoltona kum arye, ‘Dipkoprop arepnamnile’ tenen, moronamle. Kanye bokoltonanye bira, weik mek laut mekwan pum arye lonting-lonting ablirye, mek kup-kup bini yana, kiplirye, bolkeklamla atonun ulule. Winilula ati, diba tenena deice aryuk moronamlume.

Mazmur 35:3

Winipmanto ara, sik yin talin nang arye, ‘Yuk nang olbinuyap,’ tenebikce talak ara, sik ninye on ning, el si ara tombak ap, mitik kapak ap doprobikirye, olbalamak touk, ‘An Allah arye, kintinipmince, na mal olan nang ara, adiparyuk olbinamlam’ tenen, moropkine. Na ni Allah, ance nati, “Nara, an lyena deiyoknye ukunune,” nyapnamnilam’ tenen, moropkine.

Kolose 4:2

Anggun Kolose ninye nirya ara, batakna kumce, pia pi dobuka, Allah moronauk unamlulume. Wininamlum talak nirya ara, ‘Mankau arye malye winibibyak’ tenen, pia kanye moubuka kalikildanamlulume. Tonda, Allah ati, pia “Telebe,” nyanamlulume.

Keluaran 17:11

Welebikopura, Musa birye el kama dobuka el taruk pia erebuka tikmok talak ara, Israel nang arye Amalek nang obuka dakik bukni, Musa el taruk erepmoka batakukba, taruk batakuk talak ara, Amalek nang arye Israel nang obuka dakik.

Keluaran 17:13

Winipmeka ati ara, Yosua ap, Israel nang ap, sik parang ya arye, Amalek yala nang obuka sirya dakik.

Keluaran 24:14

Musa ap, Yosua ap, welepnurik talak ara, Musa birye Israel ninye sik deiyok nang ati nyabuk. “Anggun aunmamunce nunti dinmamunya buk, nun tamubuka yanamaname. Tonda yuk nang ap, derepdamunce, ikin-ikin upsilyopura, Harun ap, Hur ap, sik dam tuba unamaraka ati ara, ato ning aupmalyopura, sik dam laka nyalbimunba, yupu talibuka sikce weik pil donamsirake,” nyabuk.

Yosua 8:26

Deiyok ara ani. Ara, Yosua birye tuba, elce talipmok parang ya arye, Ai mutuku tam puklopmok. Pia puklopmoka ani, anoutam arye, Ai mutuku nang onmeka ara, anang dam arye, ton kum batakdongopmok. Ai mutuku ninye ara, sirya obuka kum dakmating bukni, asum aryuk, Ai mutuku nang nirya, akunum obuka sirya dakike.