Keluaran 16:36 - Eipomek

³⁶ (Minop talak ara, sik Ibrani nang arye, 2 liter nungna ati ara, ‘tonok omerʼ nyalamik. Tonda, 20 liter nukuka deililamik ning ati ara, sukce ‘tonok efaʼ nyalamik.)

Keluaran 16:36 Referans Kwoze

Keluaran 16:16

“Allah el si Yahweh arye, ‘Aning ara wininamlululme,’ nyapmasila ara ani. Anggun yuk-yuk ulamlum touk, aning nirya bulubuka anggun patasilye touk dobuka deipmunce, tonoknye bira, ikin bitinye ninguk, dobuka dipnamlulume. Ara, tonoknye ara, tiga liter, tonap setengah liter nukuka dipnamlulume.” Musa birye nyabuk.

Bilangan 28:5

Adomba boyanuka arepnukce talak ara, gandum tepung el ikin ara, tonok liter ning ap, tonda minyak zaitun mek tonok liter ton kwebuka, aning arye tabakmakce ning, pia teleb ninguk neika boyanuka arelyanganamake.

Rut 2:17

Boas birye nyabuka ati ara, asum ara, Rut beren tam arye, gandum duk bunmoka ani, sintam kibuk. Wininmok ani, gandum duk bubukce, teikinmok bukni, duk sakuk ninguk bulubuka delinmok ning nirya ara, ikin ara mikbarye (13) kilo ubuk. Ikin ara, 13 kilo atonun, tonda 22 liter atonun, ubuk.

Yehezkiel 45:11

Ara kouamne ning, el kikililena ati ara, dipkoprob ninguk wininamlulume. Bat ap, Hefa ap ara, 22 liter ninguk dekdebuka wininamlulume. Aning atonun, kouamne ning, Bat babye, mek arye tudon ning babye, sepuluh kali lipat kiklilen ning ati ara, awinilen ning, el si Homerdipkoprob ninguk wininamlulume. Aning-aning nirya kikililena ati ara, tonok deiyok kina ati, tonok Homer uka. El tonok deiyok kina ati ara, kouamne ning babye, mek ning babye, tonok Homer ning ara, Hefa 10 atonun upnamle. Tonok homer ara 10 Bat upnamle. Ati, el wina ati ara, adiparyuk atonun wininamlume.