Keluaran 14:15 - Eipomek

¹⁵ Allah el si Yahweh arye Musa biti nyabuk. “An yata ati, yupu weik arye nati nyanmanilam do? Ance Israel ninye ati nyapminba, bana uk unamake.

Keluaran 14:15 Referans Kwoze

Yosua 7:10

Nyabukba, Allah Yahweh arye, Yosua biti nyabuk. “Anda wini pola tiklyame! An ap, sik Israel deiyok nang, ninye talibuka unyak nang ap, anggun nirya urasin tuku deice, yata ati deibuka mapmalum do? Winina meme! Anggun nirya tiklulume!

Nehemia 9:9

Nyabikce, ayupu ton dukdongobuka nyabik. Allah ance nun apu yapu Mesir mutuku noutam pil dolamikce, ikin kanye bobuka ulamik talak ara, an elilamlumce kel bikamlume. Tonda, nun apu yapu laut mekwen Teberau dam engebuka malye yupu nyanmekba, kekamlume.

Keluaran 17:4

Nyabuka malye nyanmeka ati, Musa birye Allah el si Yahweh ati nyabuk. “Se na nio, aninye ati ara, narye yata wiriptinye do? Dipdelyame, sikda ‘Keil dobuka Musa opnuyap,’ tenepmanika ati, na ikin upnile,” Musa birye Allah ati nyabuk.

Keluaran 14:14

“Allah el si Yahweh arye sikti, Mesir ninye nirya obuka malye kipnamale. Elcuk aning nirya winilisulula ati, anggunce yata tenebuka winiptum do? Kum ati ara, anggunce kanye lamapdongobuka dinauk unamalulume.” Musa birye Israel ninye ati nyabuk.

Keluaran 14:16

Ati ara, an boplum kama dobuka, mek deice pukminba, laut mekwen cebuka dana-dana kiproplirye, tuku mikuka laka upliba, aninye atuku laka uplye deice bindopnamake.

2 Raja-Raja 17:7

Ara, weik imun kanye bon ning, Israel tam ulamik ninye deice yayuka deiyok ara, ani. Ara, Asyur mutuku yin talin nang arye, Samaria mutuku ulamik ninye yanuka obikce, amutuku alubikce, sik mutuku Asyur tamubuka bobinamika deiyok ara, talye ati kume. Ara, Israel tam ulamik ninye arye, yuk talye ning, isa mer ati, “Nun ni ani,” nyabuka, isa si erelamik atia. Tonda, min talak ara, Mesir mutuku ninye deiyoknye, Firaun bira, Israel ninye ati taleamukce, ikin weik ning, sik nong deice delilamukba, sik ni Allah Yahweh ulamuka arye, elce sikti, lyepdomukce, Mesir mutuku noutam bobinuka, telebak Kanaan mutuku boyanamuk. Bukni, Israel ninye arye, Allah Yahweh dam, malye winilamikce, amalye winilamik ning ara, Allah si kum erelamikce, talye-talye ning ati, “Nun ni ani,” nyabuka, isa mer siuk erelamik deice ati, Allah arye akanye imun ning, sik nong deice deiamuk.

2 Raja-Raja 17:36

Aning-aning nirya, pia kum bukni, Israel yala ninye nirya ara, natibuk, Allah Yahweh, na siuk erenamnulume. Min talak anggunda, Mesir mutuku noutam ulamlum bukni, amutuku weiknye birye, ikin pil anggun nong deice delilamsukba, imun kanye bobuka ulamlum bukni, na taruk mikip weik deice arye, boyanuka, ateleb mutuku boyanamsise. Ati ara, na siuk, anggunce eremunce, na dam kutam tuku dikdongobuka, na siuk erenamnulume. Tonda, na si erebuka kina ati, kam ning opmunce, boyanuka arelyangalamnumunce, uku danamlulume.

2 Raja-Raja 20:11

Nyabuka morobukba, nabi Yesaya kekebukce, Allah Yahweh ati, laka nyabuka morobukura, “Aketing kanya upmatu sukum arye, outam tamulin ning ati, keting kanya yakna takubarye (10) ara, outam arye, tuba tamubuka eitam bitopura, narye aning eipnya deice arye, ‘E, dipkoprob Allah Yahweh arye, nati, nyapdeipnuk yupu ara, nong upnamanilca,’ tenepnamne,” nyabuk. “Alaka kin ninguk kipdeipnutue,” nyabuka morobuk. Moropbukba, Allah arye, Raja Hiskia moropmok touk, keting kanya dilan ning ara, laka kipdeibukba, anye alat akunum welebanmokak keting kanya taku barye (10) baris, outam arye tamubuka, eitam baris welebukba, asukumuk tikukak, eprik.