Keluaran 10:18 - Eipomek

¹⁸ Nyabukopura, Musa birye Firaun dam batakuka biyukce, Allah el si Yahweh ati morobuk.

Keluaran 10:18 Referans Kwoze

Lukas 6:28

Tonda anggunti, ‘Anang ara merekuka dadipting’ tenen, kanye tenelamsiyak nang ap, anggun nong deice ikin ning delilamsiyak nang ap ati, teleb yupu nyabuka ‘Allah arye lyepnamle’ tenen, moronamlulume.

Matius 5:44

Bukni, na wini talak nyapsin yupu ara, ani. Anggun oldalamlum nang ati, bico tenebuka melinamlulume. Anggun nong deice ikin ning deililamsiyak nang ati, ‘Allah arye aninye lyepnamle’ tenen, moronamlulume.

Keluaran 8:9

Firaun birye nyabukura, Musa birye, tamubuka nyabuk. “Anda weiknye uminya anya arye, ance, ‘Asum teleb’ tenen, wibuka nyapniminyopura, narye Allah moropnamane. Winipniba, an pil dona deiyok nang ap, an ap, Mesir mutuku ninye nirya ap, anggun aik ap, talye sukum nirya ap, yakai pia weik upmal ning ara, kum uplirye, tamubuka Nil mekinuk wekelbinamake,” nyabuk.

Keluaran 8:12

Musa ap, Harun ap, weiknye Firaun batakuka yukak birikce, Musa birye Yahweh biti, morobukura, ‘Firaun dam yakai weik areplumba weik ubuk ning ara, kum kibuka deiptume,’ nyabuka, morobuk.

Keluaran 10:19

Morobukopura, Yahweh el mikip arye weik kumanya arebukba, keting wekelban tam arye, weik kumanya mikip arye dobukopura, kumanya mikip arye, sul kwising nirya dobukabukce, weik laut mekwen pum bisik dongobuk. Alaut mekwen ara, el si Ining Bi Laut nyalamik. Winibukba, Mesir mutuku noutamak ara, sul kwising tonok ning babye, ton pia kum ubuk.

Keluaran 8:8

Winibukopura, Firaun birye, Musa ap, Harun ap ati, yukubukura, sik akunum yarikopura, nyabuk. “Anggunce, Allah el si Yahweh ati moropdumunyopura, yakai nirya kum danamle. Na dam ap, na mapu dam ap ara, kum uplyopura, narye an mapu Israel ninye batakniba, anggun bitinye ap, bitinge. Bimunyopura, anggunce kam ning obuka, Allah Yahweh, el si erena ati, Allah arepnamlume,” nyabuk.

Bilangan 11:2

Auku dinmok talak ara, Israel ninye arye ilil ubukba, malye yupu nyabuka, Musa dam anyuk biyikce morobikba, Musa birye, Allah el si Yahweh ati morobuk. Amorobuk ning kekebukce, auku buk tangabuk.