Keluaran 10:17 - Eipomek

¹⁷ Aning ton nyabuk. “Tonok talak tonap, na malye wininye ning namin kipnumunce, anggun ni koproba Allah, Yahweh ati moropnunululume. Moropnumunyeba, anggunce el si erelulum Allah, el si Yahweh, elce nun dam imun kanye usilye ning ara, aning opmnamsil ning kum kipdeipsutue. Ara, ‘Sul kwising kum kipdeipsutue’ tenen nyapne,” Firaun birye nyabuk.

Keluaran 10:17 Referans Kwoze

Keluaran 8:8

Winibukopura, Firaun birye, Musa ap, Harun ap ati, yukubukura, sik akunum yarikopura, nyabuk. “Anggunce, Allah el si Yahweh ati moropdumunyopura, yakai nirya kum danamle. Na dam ap, na mapu dam ap ara, kum uplyopura, narye an mapu Israel ninye batakniba, anggun bitinye ap, bitinge. Bimunyopura, anggunce kam ning obuka, Allah Yahweh, el si erena ati, Allah arepnamlume,” nyabuk.

Keluaran 9:28

Nun dam ikin ning weik, liman ap, dekne duk-duka purwu mok ap weik wininmasilba, ilil upmasila ati, aning nirya ‘Kum upnamle’ tenen, Allah moropnamsurume. Narye anggun batakdongopsinyeba, binamlume. Tonap talipsiniba, amutuku pia kum unamlume,” Firaun birye nyabuk.

1 Raja-Raja 13:6

Winibukopura, Raja Yorebeam birye, anabi biti nyabuk, “Se, na moropkine. Ance nati, an ni koproba, Allah Yahweh ati, moropnilyame. Moropniminba, Allah arye nati, bico tenepnilirye, na taruk biti kipmanil ning ara, kwetep deipnamanilame,” nyabuka morobuk. Nyabuka morobukba, nabi arye, el morobukto, Allah ati, “Naio, anye meliplyame,” nyabuka morobukba, adiparyuk Raja Yorebeam, el taruk dipmok ning ara, melibuka kwetebukba, teleb ubuk.

2 Korintus 1:10

Ara, nun ikin weik ulamsukba, dipmanto wamnumu bukni, Allah arye lyebuka lopdeipsukce, teleb kipdeipsuke. Tonda, aminyan talak babye ara, pia lyepnamsile. ‘Allah aryuk pia lyepnamsil’ tenen, nun kanye ara, el deiceuk deibuka, elti, dib tenebuka dinyame.

Roma 15:30

Ura, amapo. Nun Deiyoknye Yesus Kristus el si deice ap, Allah El Dib Kanye arye melisiliba, bico tenelanyaba deice ap arye, ayupu ara mikip arye nyapsine. Anggunce nati Allah moronumnya deice arye, na ap, anggun ap, pia pi dobuka neika pil donauk unamabe.

Rasul 8:24

Nyabukura, Simon tamubuka nyabuk. “Se, ‘An nyapmanilam ning nirya kum kipdeipnamanil’ tenen, ance nati Allah moropnelyame,” nyabuk.

Yesaya 26:16

Se nun ni Allah Yahweh, nunda ikin weik ulamupu talak ara, ‘Allah aryuk melipnamsilʼ tenen, anti morolamkupu. Ance nunti akunum wenyapsulumba, kanye imun ulamsuka ani, nunce, ‘Nun ni Allah antibuk, melipsilyame!’ nyabuka, morolamupu.

2 Raja-Raja 4:40

Ura, sik kwit tonoknye birye, alabu duk ap, tuku deice koulamak ning ap, amakau pum akunum obukopura, elce sik anabi-nabi nang dina ati, bokuka arebuk. Bukni, sik anabi-nabi nang, adin ning ara, mitik tonun aryuk akunum dipdeyikopura, adiparyuk weik yupu arye ngalukuka, Elisa biti nyabik. “Se na nio, anda Allah el piluk dolyamnye, adin ning nun kwit birye yupmasil ning ara, ninye ona ati, yu ning ton aupmala atia,” nyabik. Nyabuka, sik anang ara, “Kume aning ara, kum dipnuyabe,” nyabik.

1 Samuel 15:25

Wini talak ara, narye moropkine. Na nio, na malye upse ning ati, namin kipnutumce, na ap, tamubuka bitinimnyopura, nun ni Allah, el si Yahweh ati, el si erepnamne,” nyabuka morobuk.

Keluaran 8:28

Nyabukba, Firaun birye tamubuka nyabuk. “Yo telebe. Narye anggun batakdongopsiniba, ninye kum unyak mutuku noutamak binamlume. Winibuka bimunce, Yahweh el si erena ati, kam ning obuka arepnamlume. Binamlum bukni, anggun adiparyuk, pia pera mutuku kum binamlume. Damtoto sukum bana ara telebe. Tonda, anggun ni koproba Allah, el si Yahweh arye, ‘Firaun melipnamle’ tenen, anggunce nati Yahweh moronamnulume,” Firaun birye Musa biti nyabuk.

Keluaran 9:27

Winibukba, Firaun birye Musa ap, Harun ap ati, yukubuk. Sik yarikura, Firaun birye nyabuk. “Wini talak ara, narye malye upmane. Allah arye ikin ning, na deice deipmanil ning ara, dipkoprob telebuk upmanile. Bukni na ap, na amu tam unyak ninye ap arye, malye wininyabe.

Keluaran 8:4

“Yakai anirya bulubuka, an dam weik yanuka wekicopura, an ap, an pil dona deiyok nang ap, Mesir mutuku ninye nirya ap, anggun nong deice welepsikba, anggun nirya malye kanye bopnamlume.” Allah arye Musa biti, akunum nyapdeibukce, “Firaun dam nyalbinulyame,” nyabuk.

Bilangan 21:7

Adibika ati ara, Israel ninye ila moubuka tenebikce, Musa dam yayikce, Musa biti nyabik. “Se, nun dipkoprob malye wininyabe. Ara, Musa an ap, nun ni koproba Allah ap, anggun dam malye yupu nyabupa arye, malye kilisinyabe. Ati Musa, ance nunti, Allah ati moropsiminyeba, Allah arye ninye on kwatima arepsuk ning ara, dobuka yukak donoknamle. Aning kum winipsutue,” nyabuka, Musa dam morobik. Winibuka morobik ati, Musa birye sik lyena ati, Allah morobuk.