Kejadian 7:3 - Eipomek

³ Tonda maka ayala-yala nirya ara, yim ap, kil ap, bitinye-bitinye kibuka, tekbarye (pasang) nukuka bulupnulyame. Aning nirya ara, ‘Aminyan talak tukwak mutuku noutam kam unamak’ tenen, amek lia yo deice domlum aik pum tam dongopnalyame.

Kejadian 7:3 Referans Kwoze

Kejadian 6:20

“Maka ayala-yala nirya ap, basam ayala-yala nirya ap, tuku deice yanibuka balamle ning ayala-yala nirya ap, bitinye-bitinye kibuka, an dam yanamake. Yacopura, an ap, neika kam upnamluma ati, akam ning nirya dobuka, anyaik pum bisikuk dongopnalame.

Kejadian 7:2

Anyaik wekminye talak ara, narye, “Aning ara, telebe,” nyapkise ning, tuku deice balamle kam ulye ning tekbarye nukuka kil ap, yim ap kibuka bulupnulyame. Tonda narye, “Aning ara, malye ning,” nyapkise ning, tuku deice balamlarye kam ulamle ning yala nirya ara, bitinye-bitinye kibuka kil ap, yim ap bulupnulyame.

Kejadian 7:4

Winipminyopura, asum arye, nukuka tek sum akunum uplyopura, narye nyapdeipniba, weik mok cepnamle. Pia weika arye, celamliba, mok celamlye ani, keting noutam ap, lukunyan ap, yupa weik, 40 sum deice arye, akunum ceplyopura, weik mekwen deipliba, narye kwepdeiamse kam ulye ning, ayala-yala nirya dipliba, pia kum upnamle. Tukwak mutuku ara, mutuku diamuk upnamle,” Allah arye, nyabuk.

Kejadian 7:8

Allah arye, Nuh biti, “Winipnamake, winipnamake,” nyapdeibuk touk, atalak ara, tukwak mutuku deice yanibuka balamik ning ap, maka ap, aning-aning ayala-yala nirya ara, Nuh damuk yayik.

Kejadian 8:20

Winibukba, Nuh birye, ‘Allah elti, si ereipnun’ tenen, pala keil yangabuka deibukce, Allah el si Yahweh, el arin ning ati kintinibuk. Ara, min talak Allah arye, “Akam ulye ning telebe, amaka yala ara telebe,” nyapdeibuk yala ninguk, mitik anun arye, dobuka, obukce, pala keil yangabuka deipmoka deice, uku sekukce, aning nirya uku dabuk.

Imamat 11:11

Tonda, mek pum tam noutam ulul ning ayala-yala nirya bukni, sik karasa bol, el si sirip ap, el bana ati pol ap kum ubuk ning, ayala-yala nirya ara, obuka kum dinamlume. Aning yala-yala nirya ara, el tup dobuka dina pia meme. Tonda, amekwen pum tam kam ulye ning ara, yuk nang arye, tomobikirye, deipmakce ning babye, talye dadipmalya babye, anggun Israel nang arye, aning bol pina babye, pia kum wininamlume. Wini talak arye dipdongobuka, doupnin banamlum talak babye, ‘Aning ara, pia kum dinamabe, ara meme,’ tenenamlulume.