Kejadian 4:3 - Eipomek

³ Sik nirya daulamika ani, Kain birye, ‘Allah el si Yahweh, el si erena ati, na koulamse ning bobuka, Allah arepnune,’ tenebukce, el wa wibuka koulamuk ning, libuka arelyayuk.

Kejadian 4:3 Referans Kwoze

Bilangan 18:12

Israel nang arye, min yuma ning, yuk-yuk ning nirya, ‘Allah Yahweh, el si erena ati arepnuyapʼ tenen, yuk kintinibuka, arelyanganamniyak ning ara, minyak zaitun mek ap, anggur mek teleb ning ap, gandum ap, tonda sik wa lin ning, yuk-yuk ning nirya, pia teleb min yuma ning ara, narye dobuka, an ap, an mapu ap ati, pia ati arepsine. Aning nirya ara, anggun, ‘Naʼ tenen nang atia. Ati ara, wini talak arye, dipdongobuka doyanamle talak ara, aketing tamun, aketing tamun nirya ara, aninguk dobuka dinamlume.

1 Raja-Raja 17:7

Elia bira Keriti mekin dam daulamuk bukni, like weik anun damapnin balamuk talak ara, mok cena kum ati ara, amutuku din mek nirya ara cebuka kel-kelap dobuk.

Nehemia 13:6

Aning winibukopura, atalak na Nehemia bira Yerusalem mutuku ton pia kum ulamse. Ara, Babel mutuku ninye deiyoknye Arthasasta talibuka ulamuk talak, keting tamun yupa pia weik 32 tahun akunum ubukba, nara Babel mutuku tamubuka binmase. Babel mutuku deiyoknye Artasasta el dam lak nyalbinamse ati, Elyasib birye malye winibuk ning ara, na ton kekebuka kum kel bikamse. Lak nyabuka daulamse ani, “Naio, na mutuku koproba tuba tamubuka bitinye do?” nyabuka moropsiba, elce, “Telebe,” nyapnukopura, Babel mutuku batakuka, Yerusalem mutuku tamubuka yase.

Yudas 1:11

Sik anang ara, pia bicoe, Allah arye anang wenepnamla ati, sik anang ikin upnamle. Sikda Kain arye Allah nyabuk yupu kum kekebukce, malye winibuk touk wininyake. Tonda, minop talak Bileam arye, ‘Ayupu ara, tilila yupu,’ akunum bikmokcuk, “Yo bok weik arepnukiabe,” nyabikura, kekebukce, ‘Yo bok weik doproptinye’ tenen, patabuka ati, tilila yupu peterebuk. Tilila yupu peterebuk touk, sik anang babye, ‘Yo bok weik dolonamap’ tenen, malye wininyake. Tonda, minop talak Korah arye, ‘Allah arye nyapdeibukura, Musa nyalamuk yupu kum kekepnuyap’ tenen, deiyok koubuka, el yanibuk touk, sik anang babye, Allah arye nyasulul yupu yaniltanyake.

Kejadian 4:2

Sik daulamika ani, aminyan yuk talak ara, ami el weit koproba ton deibukce, “El si ara Habel,” nyabuka deibuk. Nepnin balamdika ani, Habel arye, ninye wein ning domba basam talibuka weilamuk bukni, Kain bira talye wa wina ap, kouna ap, aninguk talibuka pil dolamuk. Kam ulamle ning ara, kum weilamuk.

Kejadian 4:4

Bukni, Habel elda, talye ning kum bukni, el weilamuk domba basam arye, delilamuk ning ara, min yuma domba mi obuka kalibukce, pia teleb ning tup ap, meta ap, weik ning dobuka arelyayuk. Arelyayukba, Allah el si Yahweh arye, Habel el boyanmok ning ati dinmokce, Habel ap, aning ap ati, kanye deibuk.