Tonda, ayim domba basam kalimna ap, nena kum roti kwaning ap, sik imam nang arye, asum aryuk dinmakca ani, tuba auplye ati, batakmaminye ning ara, beren tam talak ton, pia kum dinamake. Akwal batakmamunye ning ara, beren tam talak yamunce eipmunyeura, anggun adiparyuk dobuka, uku uk dongopmunba, uku arye dibuka, sirya daknamle. Deiyok ara, na Allah ati akunum arepmanulum ning ati, aning ara, pia lek ning atonun upmalula ati, yuk sum ton anggun tamubuka yamunyeura, kum dinamlume. Ara meme nyapsine. Uku dem dongopmunyeura, uku arye diplirye, sirya dakanamle.