Minop talak ara, Allah arye nun apu yapu nang ati, yupu nyalamuk ning ara, elce nyalamukba, el yupu laka nyalamik nang, sik nabi-nabi nang kekelamikce, nun apu yapu nang ati, laka nyalamik. Allah arye, el yupu laka nyalamik nang deice laka nyabuka nyalamsuk ning ara, like yupa weik ap, pil yala yupa weik ap dolamuka deice arye, laka nyalamsuke.
Imamat 15:1
8 Referans Kwoze
Dipkoprop Allah Yahweh elda, Weik Erena Deiyoknye, aning-aning nirya talibuka, deice tam ulule. Winilula anya arye, Allah elce, ‘Aning nirya ara, winipnamne,’ nyabuka, el yupu lak nyan nang, ‘Nabi-nabi arye kekepnamak’ tenen, lak nyaliba kekenyake. Sikda, el amu tam pil don nang unyake. Allah arye, sik dam lak kum nyapdeiamturye, el pil dolye ning nirya, talye mangkau kibuka kum pil dolule. ‘Winipnamna arye,’ nyabuka, laka nyaliba, nabi nang akunum kekebiceura, Allah arye apil dolule.
Yata nang do nirya, Allah arye, ‘Aning ara, wininamlume, aning ara, pia kum wininamlume,’ nyapdeiamsuk yupu, moubuka talibikirye, aninguk dobolbanyak nang ara, Allah Yahweh arye anang ati, weik tonun bico teneplirye, kanye delinamle. Winiplyopura, Allah arye, ‘Wininamsine, wininamsine. Tonda, winibuka teleb kilinamsine,’ nyabuka, nyalin yupu deice arye, nyasilye ning nirya ara, anang ati laka nyapliba, bikinyake.
Ayupu nyapdeipsince, amalye ning talipsilyopura, “Wininamlume,” nyapsin touk, aninguk winipmunyopura, adeice aryuk, apukle suse ati, ‘E, aning ara, akunum teleb kibuka unmalye bukni, aning ara, tuba dinmala ati, malyeuk ulule,’ bikilinamlulume. Ati, kanye imun weik pukle suse dilamlye ning ati, “Pia wininamlume,” akunum laka nyapsine. Allah arye nyabuk.
Anyapdeipnirye, “Winibuka-winibuka wininamlume,” nyapdeipsinye yupu, Israel nang ati, laka nyalbinamdurume,” nyabuk. Anggunce, Israel nang nirya kekena ati, anyupu nyapnamdurume. Anggun kan-kan arye, ninye ton, uk dilirye, yabung atonun kibuka, lin ban bisik arye, yabung atonun kibuka mek balamle ning ara, anggunce, ‘Se, aning ara, pia malye ning unmale,’ tenenamlume. Aning upmalye talak ara, anang ara, Allah el dam ton, kum yanganamake.
Tonda, aning atonun ton, malye un ning tuba aupmalinye birye, bol pipmalye ning, aning-aning nirya ara, aning babye, pia malye ninguk unamle. Tonda, yuknye ton, amalye upmalye ning mangkau arye bol pipmalinye babye, malyeuk unamle. Sik aninye ara, na dam ton kum yanganamake. Bukni, malye unmakce ani, asum akunum inipmalirye keting kumulbilyopura, akunuma. Tuba tonap teleb unamake. Ambusum ato sum ara, telebuk unamake. Allah Yahweh arye, Musa ap, Harun ap ati, laka nyabuk.
Piblisite