Imamat 13:44 - Eipomek

⁴⁴ Imamnye birye, “El anye bira, dipkoprob el kisok deice ara, malye barye suse talipmala ati, Allah el dam kum yanganamlule,” nyabuka, laka nyanamlule. Imamnye birye, ayupu laka nyanamla deiyok ara, “Anye el dilo deice, ining bi dokmalirye,barye suse dinmalya ati, tonda pukle suse akunum dinmalula atia,” nyabuka laka nyanamlule.

Imamat 13:44 Referans Kwoze

Matius 6:23

Anggun asing noutamak dirina kum weksutopura, kunuknakuk bitume. Aning atonun, anggun kanye talima noutamak anggun bidamnye ning atibuk tenepmunce, malye ninguk tuba upmasilyopura, anggun pia malyeuk unamlulume. Anggun kanye talima ap, winimunye ning ap, pia kunuknak atonun unamlulume. Teleb winin ning ara, tonok ning ton kum wininamlume. Yesus arye nyabuk.

Yesaya 1:5

Anggunda yata ati tuba-tuba malye ninguk winipra balulum do? Winipmanto ara, anggun kisok ap, anggun kanye talima pum tam ap ara, pia weik uk akunum disulule. Ati ara, yata deiyok ati, anggunce, ‘Nun wenena ati, ikin weik ning tonap deipsutue’ tenen, se tenemunce, winilulum do?

Ayub 36:14

Wininyaka ati, sik malye winin ninguk talibuka wininyak nang ara, wel tuba unyak nang atonun unamak talak noutamak ara, minopce dibinyake. Ara, alye weik dakdakirye, adiparyuk dibinyake.

Imamat 13:43

Ati ara, imamnye dam yalyeba, dilenamlule. Dipdelirye, anye el dilo deice do, el kisok deice tam bol deice do, ining bi dokmalirye, lolobuka suse dinmalyeba eiplyeura, ‘E, ara pukle suse atonun suse dinamalʼ tenen, bikinamle. Asuse ara, talye nong bol deice ining bi dokmalirye, lolobuka suse dilamlye ning eiplirye, ‘Aning ara, korot suse talipmale. Akumura, aning ara, lolobuka suse dinmalye,’ tenenamle.

Imamat 13:45

Malye pukle suse dilamlinye bira, teleb baju ton kum ongonamle. Malye pun deiamlye baju dem ongonamle. Tonda, el potong teleb-teleb kibuka, siser arye kum lelekenamlule. El potong talye batakliba, potong dukuk mounamlule. Abarye suse dilamlinye, el bisik banulye talak ara, yuk nang sik bikna ati, el asok deice ap, el si bambol ap, lelipdongobuka balirye, “Se, nara, malye barye suse talipnuka ati, Allah dam ton kum yanganamne,” nyabuka, yupu weik erebuka nyapnin banamlule.