Imamat 13:12 - Eipomek

¹² Tonda Imamnye birye, anye el nong bol deice dipdelyebuk, el bol deice nirya, lolobuka kala lokuka sakanmalirye, suse aryuk anye el yan duk arye dipdongobuka, potong duk nirya amuamlirye, suse dilamlyeak, imamnye biryuk, adilul suse ara, yata talak arye lopnamle ouku weik do? Mitik do tenepnamle. ‘Seʼ tenen, anye el nong nirya bita dilenamle.

Imamat 13:12 Referans Kwoze

Roma 7:14

Ura, nun nirya kele. Allah arye, “Aning ara wininamlulume, aning ara pia kum wininamlulume,” nyapdeibukba, Musa birye sekeiyamsuk mem yupu ara, el kanye aryuk kum sekamuk. Allah arye nyapdeibukba, Musa birye seklamuk ati, ayupu ara dipkoprop teleb yupu uk ulule. Bukni, nara talye tukwaknye unirye, na kanye talima nirya ara, malyeuk unulule. Malye una deiyoknye birye, tapu koulongonululce, talilulba, el amutamuk unune. Na bidamang mikip deice arye teleb kum uptinye.

Yesaya 64:6

Nun nirya ara, Allah ance, ‘Aning ara, weik malye ning anya arye, na walwale,’ tenesiminye ning atonun wininyabe. Tonda, nunce, ‘Teleb unyap ning ani’ tenen, teleb winin ning winiptibya babye, dipkoprob weik malye ninguk unyabe. Nunda, pia weik malye ning baju deice bol pipliba, bataklamaka atonun, nunda malye ninye uk unyaba anya arye, malyeuk usulule. Tonda, weik kumanya yalirye, pubuka dopliba kolulamle yo bok dakuka bobalamle touk unyabe. Ara, nun minopce malye ulamepya ani, wisi dapyopura, dibinyabe. Ara, nun bidamang malye wininyaba deice arye winisulule.

Ayub 42:6

Ati ara, ayupu nyapmanilamba kekepmana deice arye, ‘Na nyalamse yupu ara, dipkoprob malye yupu nyalamse,’ kunum tenepne. Utenepmana ati, ‘Yata deiyok ati nyalamse do?’ tenen, ikin kanye bobuka, alye dakdana anya arye, arup malye nyanmanu ning ara, bataknirye atu dobuka, na kisok deice deipna arye, butbuta deice bukmane. Ara, pia walwal arye nyanmanuba, winira kel kipmana ati ara, na malye ning batakna arye, ikin kanye bobuka abukmane. Ayub birye nyabuk.

Ayub 40:4

“Se, na nio, nara sik walwal nang arye nyalamak yupu atonun nyapmane. Dipkoprob nara malye ununye ati, ‘Arup nyapmakin yupu ara, kum nyapmakitine,’ tenepne. Ati ara, ‘Tonap malye yupu nyapnyak’ tenen, na si bambol amupdogobuka unamne.

1 Raja-Raja 8:38

Kanye imun ning akunum uplyopura, sik Israel ninye nirya, sik yuk-yuk arye, ‘Se na talima malye wininye ning ani,’ tenebikirye, moropnamake. Winibikirye, anyaik dam kum yanmanto unamak bukni, an si eren aik tenebikirye, antibuk tenibuka, taruk erebuka anti, ‘Nun ni melipsilyame,’ nyabuka moronamkiyak talak ara, ‘Ance kekenamsilam’ tenen, moropkine.”

Imamat 13:11

Dipdelya deice arye, alaka nyapmasin ning, suse dilamlyak, tup ining bi doklamlye ning tuba aupmalyeura, imamnye birye, “Se, anye bira, el bol deice ap, el nong bol noutam ap ara, dipkoprob ila kanye mun suse dilule,” nyabuka, laka nyapnamle. Tonda, imamnye birye, asuse akunum dilamliba, biklyopura, el anye biti, “Anda, ninye aik pum tamuk, dabinuka unmaminya ani, tamubuka yaminyeura, tuba tonap dipdenamkine. Min arye nyalamlye atonun, kum nyanamle. Deiyok ara, dipkoprob el anye bira, amalye suse akunum dilamlyeak, bikamlula ati, tonap tamubuka kum dilenamle. Anye bira, akunum malye ning wekelula ati, Allah el dam ton, pia kum yanganamle.

Imamat 13:13

Ara, Imamnye birye, ‘Anye el nong bol deice korot taleamlye ning ap, nong deice suse dilamlye ning ap nirya ara, dipdelyakarye, anye el nong bol deice nirya ara, kuruna uk upmala ati, ‘Kume, anye bira, teleb akunum upmale,’ teneplyopura, Imamnye birye, “Anye bira, akunum miripmale. El nong bol deice nirya ara, akunum miripmala ati, el dilamuk suse akunum lopmale. Elda teleb upnamala ati, Allah el dam ton yangana telebe uka,” nyabuka, ninye kekenamacak arye, laka nyanamle.