Imamat 1:8 - Eipomek

⁸ Uku sekikiba, dilyopura, akeil deice uku buk arye, aning ara dilonamle. Ara, aopmalye kam ning libuka, yuk-yuk deipmalye ning ara, abasam kisok ap, tonda, el meta ap nirya ara, sik anang aryuk dobuka, uku buk paplirye, dinmalye deice binuka, deibuka danamnyake.

Imamat 1:8 Referans Kwoze

1 Raja-Raja 18:33

Pala keil lelebuka yangeibukak ara, yo deibuka, sapi basam yim ton obuka sekukce, kalibuka ayo deice deibuk. Winibukopura, “Sikce weik mek makau dumbarye dobuka, mek kwebuka boyamunce, auku seknunak ap, asapi libuka deipmanak ap, aning kintinipmanyak nirya yanuka mek diklulume,” nyabuk. Nyabukura, el nyapmok touk, winibik.

1 Raja-Raja 18:23

Nyabukce abulubuka wekmek ninye ati ayupu ton dukdongobuka nyabuk. “Adiparyuk anggun yim sapi bitinye ton boyanululume. Anggun isa si Bahal erelulum nabi-nabi nang arye tonok sapi basam wipmunce, obuka akunum sekmunce kalibuka pala keil lelebuka yangeipmekak uk, aning deice deibikce uku dan yo deice deipnulum bukni, uku ara kum seknululume. Aning atonun, na babye, yim sapi obuka kalipnirye, pala keil lelebuka yangeipmak deice, uku dan yo kintinipnirye, asukum deipnune. Na babye uku kum seknune.

Imamat 1:12

Harun arye deibukba, dadeipdanin yangalamik nang, sik imam nang arye, aning akunum winibikcopura, akam ning obuka akunum sekuka deiplyopura, tonoknye arye, ‘Aning ton doropnune,’ teneplye touk doproplirye, yuk kintinip deipnamlule. Akintinip deipnamlak ara, ani. Akam ning, el kisok ap, tonda el meta ap, el nong nirya ara, kintinip deipliba, Allah Yahweh ap, ninye ap ansinilin aik pil dona deiyok nang, sikce ining ning obikirye, dobuka bobikirye, keil pala taplakikirye yangabuka kintinip deibikakuk bikirye, aning dana ati, uku sekikiba, uku buk dinmalye deice binuka delinamake.

Imamat 3:3

Tonda, malye un ning winilamlinye birye, ‘Nara malye winipsa ati, na ap, Allah ap, ansinilidanuka telebuk unamname,’ teneplirye, kam ning boyalirye, oplyopura, Allah Yahweh ati uku dongopnamlule. Ati, akam ning oplyopura, Allah el si eren aik pum tam pil dona deiyok nang, sik imam-imam nang arye, ayanuka oplye kam ning noutam arye, Allah arena ati, kintinibuka dolonamak ning ara, ani. Deilyu noutam irilamle kop ap, akam ning deisuruk dam meta nirya ara, dolonamnyake.

Imamat 3:4

Tonda, pia telebak ara, keil duk ap, keil duk deice palilamle kop ap, talima pum palilamle meta ap, talima duk ap, aning nirya dolonamlule.

Yehezkiel 40:43

Tonda, anyaik pum tam ara, abilinga taram nirya antanap dongobuka kat tace ning, el urup ara bitinye kibuka kintinip deiamika deice ara, domba basam opnarye, tup dobuka lalkwetelamik. Atace ning el cang ara, taruk tatang el pala ulamle touk, kiklibuka dolamik. Atace ning, el panjang cang ara, 8 sentimeter kiamuk. Tonda ameja nirya eitam ara, Allah el si erena ap, morona ap ati, Allah ati arelamik kam ning opnarye, aning nong dobuka, tia talak ati, ameja deice delilamik.