Ibrani 4:4 - Eipomek

⁴ Ura, Allah yupu noutamak bukni, yukak ara, Allah arye dikdik sen sum, like tekbarye sum ati, ayupu tonap nyabuk. ‘Allah ara, like tekbarye sum deice arye, pil dopra balamuka ani, Allah arye, el pil sirya dakuka ati, tekbarye sum akunum ubukba, pil tonap kum dobuk. Dikdik sebuk.’ (Kejadian 2:2)

Ibrani 4:4 Referans Kwoze

Keluaran 20:11

“Na Allah arye nyapne. Na sum deice pil kum donamluma deiyok ara ani. Ara, like nakub barye sum deice arye, narye im ap, tuku ap, laut mekwen ap, aning noutamak ulamle ning ayala-yala nirya ap kwepdeipse. Winipsa ati, like tekbarye sum ara, na dikdik semse. Winipsa ati ara, Na Yahweh arye asum ati, teleb kipdeipsirye, ‘Asum ara ‘Naʼ tenen, weik mambul sum,’ nyabuka asum wibuka yuk deipse,” Allah el si Yahweh arye nyabuk.

Keluaran 31:17

Adikdik sena sum, Sabat sum ara, pitin kilina ning atonun pia unamle. Aning pia kum bataknamlulume. Deiyok ara, like nakub barye sum deice arye, im ap, tuku ap, aning-aning ayala-yala nirya ap, Allah el si Yahweh arye kwepdeipsirye, tekbarye sum ara, na dikdik sepse. Nara Yahweh arye nyapkine,” Allah arye Musa biti nyabuk.

Ibrani 2:6

Bukni, Allah yupu noutamak ara, tonye birye ayupu sekamuk. ‘Allah ance tenesiminya deiyok ara, ninye ara pia teleb unyak ati, tuba-tuba tenesilyam do? Kume. Tonda, ninye arye delilamak mapu tenesiminya deiyok ara, sik mapu ara pia teleb unyak ati, melisilyam do? Kume.

Ulangan 5:14

Bukni, like tekbarye (7) sum kunum uplyopura, talye pil dona kumce, dikdik sen sum anya arye, kintinip deipmunce, dikdik senamlulume. Asum tekbarye ning ara, nara, anggun ni koproba Allah Yahweh ati, na si eren sumuk unamake. Asum noutam ara, ninye tonoknye babye, pil ton kum donamlule. Ara, anggun babye, anggun mapu nirya babye, tonda anggun pil melin nang babye, atonun tonda anggunce talibuka weilulum domba ato ning babye, tonda, yuk mutuku arye, tikilyanganamak ninye asik nang babye, talye pil kum donamlume. Ara, anggun babye, anggun ap neika unamlum nang nirya babye ati, nyapsine. Winibuka winipmunyopura, anggun babye, anggun pil don nang babye, sik dikdik sen sum noutam ara, pil pia kum donamlume. Anggun nirya ara, dikdik senauk wininamlum touk, anang babye, atonun wininamake.

Ibrani 4:10

Allah arye dikdik sebuk atonun nyapmana ara, laka nyapnusine. Ara, Allah el pil dolamuka ani, sirya dakukopura, dakukce dikdik sebuk touk, yata ninye do nirya, Allah arye dikdik sena ati, kintinideipsuka dolonyak ninye arye, sik pil donyak babye batakikirye, dikdik senamnyake.