Hakim-Hakim 8:2 - Eipomek

² Nyanmik bukni, Gideon birye tamubuka nyabuk. “Anggunda pia weik mambul nang. Nara mitikto mambulnye. Na pil dolamse ning ara, mitikto pil dolamse atia. Bukni, anggunce winipmalum ning ara, mitik tonun kume, anggun ning ara pia weik mambule. Tonda, anggun kele. Abieser yala nang arye, sik anggur duk li talak noutam arya, daklamak anggur duk ara, mitik tonun bukni, anggun Efraim mutuku ninye anggur duk li talak arye daklalum ning ara, pia weike. ‘Mitik pil dopmabe,’ tenepmalum bukni, anggun pil doplum ning ara, weik mambul ulula ati, narye pil dopse ning ara, mitik tonun dem, nyapsine,” Gideon birye nyabuk.

Hakim-Hakim 8:2 Referans Kwoze

Hakim-Hakim 6:34

Dobikopura, atalak ara Allah el si Yahweh, el Dib Kanye, Gideon nong deice yanuka melibukba, binggong nyana el si terompet deice arye nyabukce, Abieser nang ati yukubukba, kekebuka, el dam yayik.

Hakim-Hakim 6:11

Tonok sum ton, Allah el si Yahweh, el pil donanye malaikat ara, mutuku si Ofra mutuku biyuk. Biyukce, Abieser tamnye tonok, el si ara Yoas kouamuk yo deiyok damak yanuka bukmok. Atalak ara, Yoas el mi Gideon birye, ayo dam, ‘Gandum duk dipmanto kum ning kum danamal’ tenen, gandum duk teikinmoke. Awinipmuka ara, ‘Midian nang arye eipnikirye na gandum ubula dopropnicak’ tenen, dungnuba kunusa asa arye yuk nang eipmanto kumak teikinmok. Elda, gandum duk dobuka keil pala yangaiamika pum bisik, ara anggur duk mek purulamikak pum bisik deibukce, gandum duk tekinmok.

Imamat 19:9

Allah arye Israel ninye ati, nyabuk. “Anggun kouamunye ning ara, anggun wa win dam, dana-dana wiamice ning, akunum nong ubuka wisiplyopura, anggunce aning nirya libuka, kum sirya daknamlulume. Ya sekuka bulubuka, tonokak kum delinamlulume. Aning kum bukni, wa kup-kup ton aupnamlule. Wa kup-kup upmalye ning ara, libuka sirya dakna kume. Tonda, ‘Mitik tonun auplye ning ara, mangkau kanye bobuka, nirya lipropman do? Tuba ton batakman do?’ tenen, dipdemunce, tuba aupmalye ning ara, ‘Nirya libuka, sirya daknamne’ tenena meme. Awa win dam, tuba tamubuka lilbana meme. Wa kup-kup upmalye ning ara, libuka sirya dakna meme. Deiyok ara, sik talye bona utotoa kum ninye lipnamaka ati, nyapsine.

Hakim-Hakim 8:1

Efraim mutuku nang arye Gideon biti nyabik. “Oketeng tamun noutamak, anda Midian tam nang olbinamalum talak ara, yata ati nun ton kum nyapmasulum do? Winyamsuluma ara, yata deiyok ati, malye winipsulum do? Nunce anti malye kanye bopmabe,” nyabuka, Gideon dam nyalbiyikce, elti, malye-malye yupu weik nyanmik.

Hakim-Hakim 8:3

Nyabukabukce ayupu ton nyabuk. “Tonda, Allah mikip anggun nong deice deibukba, Midian yala ninye, sik ninye deiyok nang bitinye Oreb ap, Zeep ap, oplum ning ara, aning ton kel biknamlulume. Ara, weik mambul bukni, narye winilamse ning ara, mitikto mambul uka, anggun tonun kume,” nyabuka, Gideon birye sik anang namin kina ati nyabukba, anang arye ton tamubuka kum nyabikce, sik malye kanye bomik ning ara, kum dayukce, Gideon elti, kanye deibik.

Bilangan 26:30

Tonda, Gilead birye deibukba, dadeipdanin balamik nang ara ani. Iezer birye, deibukba, dadeipdanin balamik nang ara, sik Iezer yala nang ton ulamik. Atouk Helek birye, deibukba, dadeipdanin balamik nang ara, sik Helek yala nang ton ulamik.