Hakim-Hakim 4:5 - Eipomek

⁵ Israel ninye sik yu ubuka, malye kanye bobuka walalamikce, yupu deice arye yupu si dalalamik talak ara, Debora bira sik yupu lipsisikuka bokolina ati, asum-asum nirya tonok weik korma yo amu tam bukuka, sikti, yupu bokolilamukce, ‘Winipnamlulume, winipnamlulume,’ nyalamuk. Ayo si ati, Debora el korma yo nyalamik. Ayo ara, Efraim mutuku tam bukni, dana tam ara, Rama mutuku, dana tam ara, Betel mutuku, noutam aryuk bukuka yupu lipsisikuka bokolilmuk. Israel ninye nirya arye, walalamik talak nirya ara, akil dam yangalamikce, “Nun yupu kekepsilyame,” nyalamikce, sik yupu laka nyalamikba, Debora kekebuka Israel ninye ati, sik yupu lipsisikuka bokolilamuk.

Hakim-Hakim 4:5 Referans Kwoze

Yeremia 31:15

Allah el si Yahweh arye nyabuk. “Minop talak ara, ikin weik ning, sik Israel ninye deice yanamle. Winiplyopura, mutuku si, Rama mutuku ulamuk kil, el si Rael, el mapu nirya obikiba, dibikcopura, pia bico tenen, talima sukupliba, engenauk unamle. Pia engebuka, yuk nang arye, el talima kum kwa dipmanto upnamake. Ara, el mapu nirya obikiba, ‘Se, na mapu nirya ara, akunum obuka sirya dakmake. Tonok mapu babye, kam kum unamake,’ teneplirye, engenauk unamle.”

1 Samuel 1:1

Efraim yalanye, el si Elkana, Efraim mutuku dam bukni, Ramataim mutuku ulamuk. Elkana el li koproba, Yorebeam el apu koproba Elihu, el apu Tohu. Tonda Tohu bira, el li si ara, Suf ulamuk.

Yosua 18:25

Tonda, empat belas (14) asik dolamikak ton doprobik. Aweik asik dolamika noutam ara, mitik asik babye, atouk dolamik. Amutuku si ara ani. Gibeon mutuku ap, Rama mutuku ap, Beerot mutuku ap,

Yosua 18:22

Tonda, Bet-Araba mutuku ap, Zemarahim mutuku ap, Betel mutuku ap,

Yosua 16:2

Amutuku wilinak ara, Betel mutuku arye binuka, dukdongopbuka biyukce, Lus mutuku tam dinikilbiyuk. Adinibuka, otam mutuku, Atarot mutuku bisibuka, Arki yala nang ulamik mutuku bisik balamik tamuk, binuka eibik.

Keluaran 18:26

Musa birye, sik anang wipdeibukura, Israel ninye kan-kan noutam ulamikce, Israel ninye sik malye una kanam to upne ning ara, sik anang aryuk kekebuka, yupu lipsiskuka bokolilamik bukni, ikin weik upne ning ara, aninye arye bobuka Musa dam binura, Musa birye aikin ning nirya ara, lipsisikuka bokolilamuk. Bukni, Israel ninye arye, sik malye una caknamto ning ara, adeiyok nang dam yanuka, lake nyalamikba, sik anang aryuk, yupu talibuka, lipsiskuka bokolilamik.

Keluaran 18:19

Ati, atalak ara, Musa anda, na nyapnukin yupu nirya ara, pia moubuka kekepnulyame. Ara, narye, ‘Teleb wininamlam ning ara ani,’ nyabuka lake nyapnukine. Tonda, ‘Allah arye anti, ‘Melipnamkilʼ tenen, Allah ati morokunune. Dipkoprob ance Israel ninye nirya, sik melina ati, Allah ap, Israel nang ap, ansinilina deiyoknye unamlyame. Ara, sik malye unamak ning nirya ara, ance bobuka, Allah el mikip weiknye dam bobanalame.

Keluaran 18:13

Mapmeka akunum berekukopura, Musa birye, sik Israel ninye atibuk, yu yupu deice walalamikce, oldalamik ati, yupu talibuka lipsisikilinmok. Apil ara, beren tam talak arye deiyok koubuka donmoka ani, sintam kipmoka ani, inipdongobuk.

Kejadian 35:8

Anoutam talak ara, Ribka el melin kil, Debora dibukba, el nong bobuka, Betel mutuku bukni, asukum tikamuk yo amu tam, tuku palibuka weibikce, engebike. Engebika ati, ayo si ara, Allen-Bacut nyabuka, si dobuk.

1 Samuel 25:1

Samuel dibukba, Israel ninye nirya, bulubuka yanamikce, yanuka engelamik ani, Samuel el nong weibikak ara, el mutuku koproba, Rama mutuku weibik. Akunum weibikopura, aminyan talak Daud adiparyuk mek kum ati, ninye kum ulamik mutuku, mutuku si Paran mutuku biyuk.

1 Samuel 1:19

Asum ara, sik nirya mapmeka ani, beren tam koproba arye, Elkana el bona nirya bukuka, Yahweh el si akunum erebikopura, tuba tamubuka, sik mutuku koproba, Ramataim mutuku biyik. Aminyan talak ara, Elkana ap, el kil Hana ap, asukumuk daulamdikce, el kil ap neika mapdikura, Allah arye mi arebukba, Hana birye Allah ati, morolamuk ning ara, akunum arebukura, aminyan talak sal mi deibuk.

Keluaran 18:16

Tonda, sik babye Israel ninye sik mamun yu upliba, yupu deice arye walanamak ning nirya babye, na dam yakirye, lake nyabikiba, narye, ‘Aning ara, wininamlume, aning ara, pia kum wininamlume,’ nyabuka, yupu lipsisikuka bokolinune. Tonda Allah arye, ‘Aning ara, wininamlume, aning ara, pia kum wininamlume,’ nyabuka, el mem yupu nyapdeipsuk ninguk, narye, sik aninye kekenak lake nyalinune,” Musa birye, el yamal Yitro biti, laka nyabuk.

Hakim-Hakim 4:4

Atalak Israel ninye, sik ninye deiyok kil, el si ara Debora birye, Israel ninye talibuka ulamukce, sik yupu lipsisikuka bokolina deiyok kil ulamuk. Tonda, Allah arye nyapdeibukba, el yupu kekebuka yuk ninye ati, laka nyalamuk kil ulamuk. Tonoknye, el akanye si Lapidot birye, akil Debora dobukce, sik neika ulamdik.

1 Samuel 22:6

Ura, ton nang arye, kel bikikce, “Daud ap, el melin nang ap, sik duknubuka unyak sukum ara, akunum eipmabe,” nyabik. Nyabuka laka nyabikba, Raja Saul ton kekebuk. Ayupu kekebuk talak ara, Gibea mutuku kon deice bukni, yo si Tamariska yo amu bukmokce, ninye on yo taca keten kama bobuka bukmok. El bukmokak dana-dana tam, el amu tam pil dona deiyok nang arye, antanabuka kekenmek.

1 Samuel 7:17

Nirya banmana ani, aning akunum winipnopura, el mutuku koproba, Rama mutuku tamubuka yangalamuke. Amutuku babye, Samuel biryuk Israel ninye, sik yupu lipsisikuka bokolina deiyoknye ulamuk. Tonda, Allah el si Yahweh kibuka, el si eren ati, Samuel birye keil pala dobuka, Rama mutuku noutamak biyukce, keil pala lelebuka yangapdeibukce, kam ning obuka, akeil pala deice uku dalamukce, Allah ati arelamuk.