Hakim-Hakim 4:19 - Eipomek

¹⁹ Sisera birye, Yael biti nyabuk. “Mek patanmanile, mek ton arepniminyeba dipnune,” nyabuka morobuk. Mek sirika ati morobukba, akil arye, sapi basam moum yung mek kwebuka arebukba, dibukopura, asingipmok ning tuba tamubuka siknipdongobuk.

Hakim-Hakim 4:19 Referans Kwoze

Yohanes 4:7

Bukmok bukni, Samaria mutuku kil tonok arye, ‘Mek kwepnaman’ tenen, Yesus bukmokak yayuk. Yayukura, Yesus arye akil ati nyabuk. “Nara, mek dipnuna ati, ance mek kwebuka arepnilyame,” nyabuka morobuk.

Yesaya 41:17

Tonda, yatanye do nirya, anggun talye bona utotoa talina kum ninye ap, mek kum upliba, mek pataplirye si bam bol sesal lepliba, imun kanye bobuka, ‘Mek dan do?’ tenen, pia elinamak bukni, kum eipnamake. Winibikirye, ikin kanye bobuka nati morobicopura, narye kekepnamsine. Nara Allah, Israel ninye anggun ni koproba unirye, anggunti pia kalikuka melisununa ati ara, narye anggunti melibuka lyepnamsine. Narye anggun Israel ninye ati pia kum bataknamne.

1 Raja-Raja 17:10

Ayupu akunum nyabukopura, Elia adiparyuk Sarfat mutuku biyuk. Biyukopura, amutuku antanap dongobuka domik keil poka bublan dam binuka tikmokce dinmokba, yuwak kil tonok yo kel-kela bulubuka delinmokbuk eibuk. Eibukopura, Elia birye ayukwak kil ati yukubukce, nyabuk. “Akilo, an mek mitik tonun makau pum tam mitik anun aupmalba depmalam ning ara, boyanuka arepnilyame,” nyabuk.

Kejadian 24:43

Ance dinmanilamba, amekwen dam tikmance, amutuku nang arye deibik kilmapu, ‘Mek kwepnuyap’ tenen, yanganuyake. Aning ati, winibuka moropmakine, na nio. Na teneipmana ara, ani. Narye amutuku kil ati, ‘An mek makau arye mek kwebuka arepnutumba, diptinye,’ nyapnyopura, na ni Allah, an si Yahweh arye meliptumba, akil arye nati, ‘Telebe, akwepman mek diplyame. Tonda, an boyanmalam unta basam babye ati, mek kwepdeipnukine,’ nyapnutue.

Hakim-Hakim 4:18

Sisera Yael dam yayukopura, Yael birye el dam binuka nyabuk, “Na ni anda na deiyoknye ulyame. Ance ilil una meme. Telebe yangalyame, na aik yalyame,” nyabukura, el aik biyuk. Biyukba, Yael birye cang baju dobukabukce, kalubuka duknupdeibuk.

Hakim-Hakim 4:20

Winibuk talak ara, Sisera birye Yael biti, nyabuk. “Bublan dam kaliknilyame. Nati, ton ninye yuk nang arye, ‘Ninye ton an aik yanuka wekmak do?’ nyabuka asipkicopura, ance, ‘Kume,’ nyapnamalyame,” nyabuk.

Hakim-Hakim 5:24

Amutuku-amutuku noutamak ara, doltakna aik, tenda cang kain aik ulamik kilapu weik aulamik bukni, sik aulamik kilapu nirya kum bukni, Heber el kil Yael, elda Keni yala kil ara, Allah arye melipliba, akil ara pia telebuk unamle. Deiyok ara, Allah arye Sisera biti, ‘Winibuka opnamne,’ tenyamuk touk, akil arye Sisera obuka atia.