Hakim-Hakim 2:9 - Eipomek

⁹ Dibukopura, el nong bobuka, el minop talak ulamuk mutuku bobiyikce, tuku palibuka weibik. Amutuku ara, minop talak Allah arye elti, areamukba, el Yosua babye binuka aik dobukabukce, ulamuk mutuku si, Timnat-Serah nyalamik mutuku bobiyikce, tuku palibuka, Yosua el nong weibik. Amutuku ara, Efraim yala nang talibuka ulamik mutuku ulule. Yosua bira, Efraim yalanye ulamuka ati ara, amutuku noutam el nong weibik. Tonda, amutuku deice, outam uamuk mutuku ara, Gaas mutuku nyalamik.

Hakim-Hakim 2:9 Referans Kwoze

Yosua 19:50

Allah Yahweh arye, “Aning ara, winibuka winipnamlume,” nyapdeibuk touk, sikce Yosua biti, arebik. Ara, Allah min arye, “Sik Israel nang ara, Yosua birye, “Amutuku tuku ara, na arepnululume,” nyabuka, morobukopura, atuku ara, anggunce el tibuk areplulume,” nyapdeibuk. Tonda, atalak babye, Yosua birye, “Nara, Efraim mutuku tam ubuk mutuku si, Timnat-Serah mutuku uk arepnululume,” nyabuka morobuk. Moropbukba, sik Israel nang arye, amutuku dobuka arebik. Arebikura, Yosua birye, amutuku noutam nirya ara, talibuka ulamuk.

Yosua 24:30

Yosua akunum dibukopura, el nong dobukabukce, weibik. Ara, Allah arye areamukba, Yosua el babye binuka doprobukce, ulamuk mutuku si, Timnat-Serah nyalamik mutuku, weibik. El nong dobuka, amutuku noutamak binuka weibik. Amutuku ara, Efraim yala nang talibuka, ulamik sukum aubuk. Tonda amutuku eitam bukni, outam bukamuk mutuku si ara, Gaas mutuku nyalamik.

Yosua 19:49

Amutuku-amutuku noutam uamuk tuku nirya ara, sik Israel nang akunum bokuka doprobikura, ton tuba aubuk mutuku ara, sik dopropmik mutuku tuku ara, sikce bokuka, ninye si Nun, elce deiamuk mi, Yosua biti arebik. Arebikura, elda amutuku tuku talibuka ulamuk.

Hakim-Hakim 2:8

Winibuka daulamika ani, aminyan talak ara Yosua dibuk. Ara, talinye kum bukni, Yosua bira, Allah el yupu kekebuka, el amu tam ulamukce, Allah el pil dona ati wipdeiamuknye, Yosua dibuk. Yosua el li bira, kam ulamuk talak ara, el si Nun ulamuk. Nun el mi Yosua bira, el ulamuk talak yupa ara, 110 keting tamun ulamuka ani, dibuk.

Yosua 24:29

Aning-aning nirya akunum winibukopura, Allah el si Yahweh, el yupu kekebuka, el amu tam ulamukce, el pil dona ati wipdeiamuknye, Yosua daulamuka ani, aminyan talak ara, dibuk. Yosua el li koproba ara, el si Nun ulamuk. Nun el mi Yosua bira, el kam ulamuk talak ara, umur yupa weik, 110 keting tamun ulamuka ani, dibuk.

Hakim-Hakim 1:1

Yosua akunum dibuka ati, Israel ninye nirya arye, sik ni koproba Allah ati, “Nun Israel yala ninye kan-kan arye, yata yala nang arye, minopce menekuka bikirye, Kanaan mutuku unyak nang ara olbinamap do?” nyabuka, Allah Yahweh ati asipdeyik.