Hakim-Hakim 19:8 - Eipomek

⁸ Aning atouk, like pamubarye sum ara, pia beren tam koprop arye, aLewi yalanye birye, ‘Nara binamne,’ tenebuk. Utenebuk bukni, atouk akil el li birye nyabuk, “Ura, din dibibirye, aminyan ara binnamdurume,” nyabuk. Nyabukura, sik bitinye nirya, nemalyap arye adinmek talak aryuk keting akunum kum ubuk.

Hakim-Hakim 19:8 Referans Kwoze

Hakim-Hakim 19:5

Like dumbarye akunum ubukopura, beren tam ara, sikce, ‘Arup binamapʼ tenen, kitinibik. Bukni, akil el li birye aLewi yalanye biti nyabuk. “Din dibipyeura, mikip upsilibuk, anggun binamarume,” nyabuk.

Hakim-Hakim 19:7

Aning atouk, sik damapmeka ani, bereknamok talak arye, ‘Atalak binamapʼ tenen, kintinibuk. Bukni, akil el li birye, Lewi yalanye biti nyabuk. “Arup ara, anyuk mapnamabe,” nyabuk.” Nyabukopura, Lewi yalanye aumuka ani, lukunyan tonok ton amabik.

Hakim-Hakim 19:9

Winibukopura, Lewi yalanye ap, el kil ubula domukce domuk kil ap, tonda el pil melinanye ap arye, ‘Nun binuyabʼ tenen, kintinibik bukni, akil el li birye nyabuk, “Kao, arup ara akunum inipnamale. Ati kuna daknule. Teleb ning ara, nun kanye pia teleb aryuk amapnuyabe. Mapmapya ani, ambusum beren tam koprop arye, bukmunce, anggun asik tamubuka binamalume,” nyabuk.

Mazmur 104:15

Tonda, anggur yo dokamica ani, ninye arye dakuka dibikcopura, kanye deibuka teleb unyake. ‘Zaitun yo duk telel doprobikirye, sik asok deice likikiba, urasin teleb unamle’ tenen, zaitun yo duk moulamle yo ton, arepsulume. Tonda, ‘Ninye tukwak ninye nirya din ning dibiceura, sik nong mikip upnin banamle,’ tenen, roti din ning babye, yuk din ning aning-aning nirya babye, arisilyame.