Hakim-Hakim 19:16 - Eipomek

¹⁶ Abukmek bukni, inibuk talak ara, sik amutuku asik dam lilun tam tuba bukmek. Abukmek bukni, wisinye tonok, el wa wilamukak arye, wa winmoka ani yayuk. Dipkoprob el deilin mutuku ara, iknapye tam bukni, Efraim mutuku noutam deiamik. Bukni atalak ara, tiya ati Gibea mutuku noutam ulamuk. (Atalak ara, Gibea mutuku noutam ulamik nang ara, sik Benyamin yala deiyok nanguk ulamik.)

Hakim-Hakim 19:16 Referans Kwoze

Mazmur 104:23

Lukunyan noutam balamle ning ara, sik malamak sukum tamubuka biceura, ninye tukwak ninye nirya bukikirye, sik pil dopra banyake. Apil ayala-yala nirya donmaca ani, akunum iniplyopura, sik pil batakikirye, tuba tamubuka sik asik malbanyake.

Hakim-Hakim 19:1

Atalak nirya ara, Israel nang deiyoknye kibuka Raja kinang ton, pia kum ulamik. Tonok Raja babye, sik Israel nang ati, ton kum taleamukba talye urdem ulamik. Sik aninye niryada, sik kanye tenena deice arye, malye weik ulamik. Ninye deiyoknye Raja ton kum wipdeiamik talak ara, ninye tonok Lewi yalanye, talye bai mutuku daulamuk. Elda Efraim mutuku bukni, iknapye tam ulamuk. Amutuku ara, ninye weik ton kum ulamik. Mitik tonunuk daulamik. Anye ulamukce, elce wel kil tonok, Yehuda mutuku bukni, Betlehem mutuku ulamuk wel kil, dipkoprob dona kum bukni, talye yona ati, akil ubula dobuk.

2 Tesalonika 3:10

Anggun ap, neika ulamubu talak ara, nunce anggunti, “Kume, yatanye do, nirya, pil dipkoprop kum pil dolinye bira, dina kum diptue. Talyeuk unamle,” nyabuka peterelamsupubuk, akunum kekelamluma ati, aning ara, anggun akunum biklume.

Efesus 4:28

Min arye, ubula dolamik nang ara, wini talak tuba tamubuka tonap, ubula kum donamake. Aning kum bukni, ‘Sik bona utotowa talina kum ninye ati na ning noutamak arye bokuka, sikti, melibuka arepnamne’ tenen, sik bidamnye taruk deice arye, yuk ninye melipmanto pil, teleb pil adiparyuk donamake.

Penghotbah 5:12

Tonda, yatanye do nirya, elce pil talibuka, mikip arye dolula deiyoknye bira, pil dopnin banmalya ani, lukunyan talak ara, din weik liplirye, weik tonun diplyopura, teleb ubuka malule. Akumopura, mitik tonun diplyopura, pil akunum dolamlya ani, pia teleb ubuka malule. Bukni, sik bona talibuka unyak nang ara, ‘Se, na bona talinun ning nirya ara, yuk nang arye yanuka alubuka doprobikcakʼ tenen, ilil weik ulula ati, aning ara dipkoprob bita mana kum arye wi pia kum ulule. Ati, sik anang ara, ‘Se, yata wiripnamne do?’ tenena uk unyake.

Penghotbah 1:13

Nara, sik Raja ulamse talak nirya ara, tukwak mutuku noutam aulul ning nirya ara, pia moubuka dipdenirye, kel weik bikamsa deice arye, aning deiyok ara, pia bita biknamne,’ tenepse. Allah arye nun tukwak nang nirya ati, ‘Winibuka moubuka dipdekirye, aning-aning nirya deiyok ning ara, biknamak’ tenen, ‘Kintinip deipsuk ning ara, dipkoprob imun kanye bobuka, un ninguk areamsuke,’ tenepse.

Amsal 24:27

An wa wibuka kum kintinip deiamincuk, minopce an ap, neika ulamunye ninye ati, ‘Sik aik minopce dopnamne,’ tenena meme. Sik wa tuku ap, sik bai tam unamak ning nirya ap, akunum kintinibuka upminyopura, sik aik dona telebe.

Amsal 14:23

Yata ninye do nirya, pil mikip arye pi dobuka, dolamak ninye ara, dipkoprob yuk talak din ning nong weik upliba, libuka weik arye libuka dinamake. Sikda telebuk upnin banamake. Bukni, yata ninye do nirya, pil mikip arye kum dolamikirye, yupu uk talye-talye nyaltakanyak ninye ara, dipkoprob sikda talye urdemuk unamake. Deiyok ara, pil tonok ning babye mikip arye kum donyaka atia.

Amsal 13:11

Ninye arye, “E, aning-aning nirya ton, winibipyopura, minopce bona utotoa talin weik nanguk unamabe. Ati sikce, ‘Winipnamlulume,’ nyabuka nyasinyak yupu, kekepmunce, adiparyuk winipmunyopura, minopce bona utotoa talin weik nanguk unamlume,” nyanamsiyake. Winibuka nyanamsiak bukni, ayupu atonun yupu nirya ara, pia kum kekenamlulume. Sik nyanyak yupu winipmunce, yo bok weik doproptuma babye, aminyan talak aning nirya minopce kum dananamsile. Bukni, pia pi dobuka mikip arye pil donmamunya ani, adeice arye yo bok weik dopropmunyopura, aning ara minopce min kum danapnamle. Pil teleb kibuka donmamunya deice arye dolonalum ning ara, min pola kume kum dananamsile. Pia aulirye, weik upra banamsile.

Mazmur 128:2

Tonda, anggunda taruk arye, pil dobuka winilamunya ani, aminyan talak ara, anggun pil domunye deice arye, teleb ning dopropmunce, teleb unamlame. Tonda, anggun nirya ara, kanye deibuka, telebuk wininamlume. Tonda, anggun pil donamlum ning nirya ara, teleb wininamle.

Hakim-Hakim 19:14

Ati ara, sik adiparyuk dukdongobuka banmeka ani, Yebus mutuku dikdik, ton kum sebik. Abanauk unmeka ani, Gibea mutuku bukni, sik Benyamin yala nang ulamik mutuku noutam banmek talak ara, keting adiparyuk akunum kumubukce inibuk.

Kejadian 3:19

Wini talak arye, dipdongobuka daulaminya ani, dipminyeba tuku dongopnamkiyak bukni, kam unamlam talak nirya ara, ikin pil weik aryuk dolaminya ani, kwisi meka panamkilya deice aryuk, din ning libuka dinalame. Ura, an kwepdeipkese talak ara, talye mikuka, kel-kel alamuk tuku butbuta arye, dobuka kwepdeipkisa ati, anda talye mikuka kel-kel alamle tuku butbuta atonun ulyama anya arye, dipminyeba, tuku pum weipkicopura, tamubuka tonap, talye tuku pumuk daunalame,” Allah arye, Adam ati nyabuka wenebuk.

Hakim-Hakim 19:15

Ati, sik amutuku noutam biyikopura, ‘Nunda tiya ati amutuku binuka mapnuyabe,’ tenebik. Utenibikce, anyasik dolamik noutam binuka wekikce, pala weik tuku arye kintinip deibikak, ninye bukukapnarye yupu sisiklamika dam biyikce, amutuku aik dam tuku deice binuka bukmek. Abukmek talak ara, ninye ton amutuku nang kan-kan arye, tonoknye babye ton, yanuka neika mana ati, ton yukubuka sik aik kum bobinmek. Talye batakmekba, asukumuk bukmek.

Hakim-Hakim 19:17

Awisinye yayukopura, dinmokbuk, elce aLewi yalanye amutuku noutam asik damuk binuka bukmokak yanuka eibuk. Eibukce asipdeyuk, “Amio, an dan mutukunye do? Tonda, an dan mutuku binamlam do?” nyabuka, asipdeyuk.

Hosea 9:9

Anggunce malye winilulum ning nirya ara, pia malye weik winilulume. Ara, sik Gibea mutuku nang arye, malye winin ning weik talibuka winilamikce, malye kipdeipdayik touk, anggun amutuku ululum Israel nang babye, atonun winilulume. Winiluluma ati ara, Allah arye anggun malye winilulum ning nirya ara, tuba tenipsilirye, wenepnamsile. Ara anggun malye winimunye ning atonun, dengna arepsilirye, wenepnamsile. Nabi Hosea birye, sik Israel yala nang ati nyabuk.