Hakim-Hakim 19:10 - Eipomek

¹⁰ Bukni, aLewi yalanye elda, ‘Asukum mana na lik,’ tenebuk. El ap, el kil ubula domukce domuk kil ap ara birik. Tonda, el pil melinanye ap, keledai basam bitinye ap, kintinip deibuk. Ura, sik akeledai basam balye deice, el ngang dam deibik ning, ninye bukuka ban ning, el si pelana, aning deice bukuka, sik nirya neika biyik.

Hakim-Hakim 19:10 Referans Kwoze

Yosua 15:63

Anya asik weik tonun, sik mutuku doprobik bukni, sik Yehuda yala ninye arye, Yerusalem mutuku asik, minop talak ulamik nang ara, min obuka, atuku alubuka dopropmanto kum ati, pia pirilamik. Amutuku nang ara, Yebus yala nang nyalamik. Ara, Yehuda yala ninye arye, Yerusalem mutuku talibuka ulamikce, sik mutuku koproba kiyamik bukni, Yebus yala nang ara, obuka kum yakdonokamik. Winyamika arye, wini talak babye, amutuku noutam ara, Yehuda yala nang ap, Yebus yala nang ap, sik neika Yerusalem mutuku ansinibuka aunyake.

Yosua 15:8

Atonun, Hinom mutuku, lu tam kipdopmekce, welebanmeka ani, iknapye tam bumang mutuku deice, welebuka tikilbiyik. Amutuku wilina ati bikilina ara, asukum arye dipdongobuka, banmeka ani, bumang mutuku deice biyik. Ninye si Hinom, elce deiamuk mi, el si sina ati, bumang mutuku deice biyik ara, outam lu tam ati, Hinom mek, pu tam ara, el si nyabuka dobik. Ara, Yerusalem mutuku tam, Yebus yala nang, sik ulamik mutuku bukni, iknapye tam. Anang arye balamika ani, weik mutuku bukamuka dam arye, otam Hinom lu tam ulule. Ara keting kumulban tam ulule. Tonda, weik mutuku luak ara, Refaim mutuku uamukak, binuka panalbiyik.

2 Samuel 5:6

Akunum ninye deiyoknye, Raja kibuk talak ara, Daud birye el ap, el mapu yin nang ap, amutuku ulamik nang ap arye, ‘Yebus yala nang, Yerusalem mutuku noutam unyak ninye ara, obuka sirya daknamap’ tenen, Yerusalem mutuku biyik. ‘Yebus yala nang opnuyap’ tenen, biyikbuk, amutuku ulamik Yebus yala nang arye, Daud biti nyabik. “Anda amutuku ara, yata ning mikip deice arye, yanuka wektum do? Anda mikip kumnye biti ara, talye nang, asing malye nang ap, yan malye nang ap aniryuk, anti obuka dobolbiketinge. Anda talinye biti ara, amutuku noutam kum wektume,” nyabuka nalibik. Sik tenebikce nyabik ning ara, ‘Daud elda mikip kumnye biti ara, amutuku kum wekuka opsutue’ tenen, nyabik.

Hakim-Hakim 1:8

Yehuda yala nang arye, Yerusalem mutuku ulamik nang yanuka obikce, amutuku nirya alubuka doprobik. Doprobikce, amutuku sik asik dobuka ulamik sukum nirya ara, uku dongobik.

Yosua 18:28

Zela mutuku ap, Elef mutuku ap, (ara Yebus yala nang ulamik sukum atia. Amutuku si ton Yerusalem nyalamik.) Tonda, Gibea asik ap, tonda Kiryat-Yearim asik ap doprobik. Amutuku nirya ara, Benyamin yala nang, sik duweit nirya, pia talibuka ulamik mutuku ati, bokuka arebukba doprobik.

Hakim-Hakim 19:9

Winibukopura, Lewi yalanye ap, el kil ubula domukce domuk kil ap, tonda el pil melinanye ap arye, ‘Nun binuyabʼ tenen, kintinibik bukni, akil el li birye nyabuk, “Kao, arup ara akunum inipnamale. Ati kuna daknule. Teleb ning ara, nun kanye pia teleb aryuk amapnuyabe. Mapmapya ani, ambusum beren tam koprop arye, bukmunce, anggun asik tamubuka binamalume,” nyabuk.