Hakim-Hakim 19:1 - Eipomek

¹ Atalak nirya ara, Israel nang deiyoknye kibuka Raja kinang ton, pia kum ulamik. Tonok Raja babye, sik Israel nang ati, ton kum taleamukba talye urdem ulamik. Sik aninye niryada, sik kanye tenena deice arye, malye weik ulamik. Ninye deiyoknye Raja ton kum wipdeiamik talak ara, ninye tonok Lewi yalanye, talye bai mutuku daulamuk. Elda Efraim mutuku bukni, iknapye tam ulamuk. Amutuku ara, ninye weik ton kum ulamik. Mitik tonunuk daulamik. Anye ulamukce, elce wel kil tonok, Yehuda mutuku bukni, Betlehem mutuku ulamuk wel kil, dipkoprob dona kum bukni, talye yona ati, akil ubula dobuk.

Hakim-Hakim 19:1 Referans Kwoze

Hakim-Hakim 18:1

Atalak nirya ara, Israel mutuku ninye deiyok kibuka Raja upman nang ton, pia kum ulamik. Tonok Rajanye babye, sik Israel nang nirya ati, ton kum taleamika arye, talye dem ulamik. Tonda, atalak babye, Dan yala nang arye pia tuba, ‘Nun mutuku eibibirye, bindobibyopura, amutuku tuba daunamapʼ tenen, pia elamik. Deiyok ara, sik Israel nang yala yuk-yuk ati, Israel deiyok nang arye, mutuku ton akunum bokuka arebikba, ayala-yala nang arye, Kanaan mutuku nang obuka sirya dakikce, amutuku dopromik bukni, sik Dan yala nang ara, ton kum dopromik. Sikce, ‘Asukumuk pia unamap,’ tenyamik mutuku ara, Kanaan nang tuba taleamika ati, Dan yala nang arye, anang obuka yakdonokikce, sik tuku ton kum dopromik.

Hakim-Hakim 17:8

Bukni, atalak ara, el anye adiparyuk Betlehem-Yehuda mutuku batakukce, ‘Yuk mutuku ak binuka unamneʼ tenen, epnin balamuk. Epnin balamuka ani, Mikha Efraim mutuku iknapye tam ulamukak binuka eibuk.

Matius 2:6

‘Allah arye Betlehem mutuku ati nyabuk. “Yudea tam noutamak aubuk mutuku nirya ara, mitik mambul mutuku bukni, Betlehem mutuku ara, pia weik mambule. Ara, Betlehem mutuku noutamak unyak ninye kan-kan arye, weik ninye deiyok unamlanye deipnamake. Anye bira, domba basam teleb ubuka weilamlanye atonun, Allah el mapu Israel ninye ati, bico tenebuka, ‘Wininmale’ nyabuka, pia talinamle. Aning ati ara, Betlehem mutuku ara, weik mambul mutuku nyapne,” Allah arye nyabuk.’ (Mika 5:2)

Maleaki 2:15

Anggun ton moubuka bita kum bikamlum do? Allah Yahweh arye, sal ap, kil ap, dopdalum talak ara, nong tonok atonun kum kilisulul do? Deiyok ara, sal babye, kilapu babye, dopdamunye talak ara, akil ap dukdongobuka nong tonok kilisulule. Dipkoproba anggun nong ap, kanye talima ap, dib kanye ap ara, Allah el ninguk ulule. Ati ara, Allah arye anggun nirya ati, utenesulule. ‘Kume anggun nirya arye, Allah ap, nong tonok dukdongobuka ubirye, teleb ubuka mapu deibikirye, na nyanye yupu moubuka peterebikiba, sik mapu nirya kekekirye, talinamak,’ tenesulule. Ati ara, anggun bidamang uk, pia moubuka kel bikdamunce, ‘Na dopse kil bataknamne’ tenen, kalikdanamlulume. Anggun wel talak arye domlum kilapu batakna kumce, anggun ap pia neika unamlulume.

Hakim-Hakim 21:25

Ura, asekmap yupu uamuk talak noutam ara, sik Israel yala nang talibuka una ati, ninye deiyok nang Raja ton pia kum ulamik. Amutuku noutam ulamik nang arye, sik kanye aryuk, ‘Aning ara pia teleb ning ani,’ tenepne touk winilamik.

Hakim-Hakim 17:6

Anoutam ara, sik Israel yala nang, sik ninye deiyok nang, Raja nang ton kum ulamika ati, amutuku-amutuku nirya ara, yupu talibuka kum lipsisiklamik. Israel nang ara, talye dem ulamik. Winibuka ulamik talak nirya ara, yatanye do nirya, sik yuk-yuk bukni, sik dem kanye tenepropne touk, ‘Aning ara dipkoprob ning,’ tenepnopura, aninguk winilamik.

Yosua 24:33

Tonda, Harun el mi Eliazar dibukopura, mutuku si Gibea mutuku binuka weibik. Minop talak, Kanaan mutuku, bokuka delilamik talak ara, ‘Efraim yala nang ara, amutuku dup noutamak unamak’ tenen, Pineas biti arebik. Pineas bira, Eliazar el mi ulamuk.

Yosua 24:30

Yosua akunum dibukopura, el nong dobukabukce, weibik. Ara, Allah arye areamukba, Yosua el babye binuka doprobukce, ulamuk mutuku si, Timnat-Serah nyalamik mutuku, weibik. El nong dobuka, amutuku noutamak binuka weibik. Amutuku ara, Efraim yala nang talibuka, ulamik sukum aubuk. Tonda amutuku eitam bukni, outam bukamuk mutuku si ara, Gaas mutuku nyalamik.

Daniel 5:3

Nyabukura, Israel ninye arye, Allah el si eren aik pum tam deiamik ning, emas mangkok ap, perak mangkok ap, boyayik. Aning yanuka boyayikopura, Raja Belsiyasar ap, el amu tam pil don nang weik nang ap, sik kilapu ap, sik nirya ara, amek makau arye anggur mek kwebuka neika dinmek.

Ester 2:14

Ura, min kum inipman talak arye, ninye deiyoknye Raja, el un dam wekuka unmana ani, inipmana ani, beren tam talak, ila tuba tamubuka yuk aik pum tam binuka ulamik. Bukni, adiparyuk tamubuka, kilapu sik pil don aik bitinye aik noutamakuk, binuka ulamik. Awel kil ara, adiparyuk ninye deiyoknye dam, min kum balamuk. Yuk aik daunman buk, Raja birye, ‘Awel kil ati, na kanye deipmana ati ara, akil ara, tuba tamubuka tonap na dam yatue,’ tenepnopura, akam kil sisibuka moropnopura, asi nyapne wel kiluk, ila tuba tamubuka, Raja el dam binuka, neika ulamdik. Sik Persia mutuku ninye deiyok nang arye winilamik.

2 Tawarikh 11:21

Ura atalak ara, Rehabeam el domuk kilapu nirya ara, kilapu delapan belas (18) domuk. Tonda, kilapu enam puluh (60) ton el domuk kilapu melina ati tabakuka ton dobuk. Akilapu ara, el melina ap, mapu delina ap ati domuk bukni, sikda el kilapu koprop kum ulamik. Tonda, akilapu nirya ap neika ulamik anye, elce deiamuk mapu nirya ara, dua puluh delapan (28) deiamuk. Tonda elce deiamuk kilmapu ara, enam puluh (60) deiamuk. Tonda, elce dipkoprob domuk kilapu ap, talye el kilapu melina ati domuk kilapua ap nirya ara,kanye mitik tonun delilamuk bukni, tonok kil el si ara, Maakha bira pia kanye weik deiamuk.

1 Raja-Raja 11:3

Salomo birye tenelamukce dopromuk kilapu ara, tujuh ratus kilapu. Akilapu nirya ara, sik ni yapu ara yuk Raja nang ulamik. Tonda talye kilapu bukni, yuk kilapu yupa ara, talye kilapu tiga ratus domuk. Akilapu domokba, sikce talilamik Isa ara, Salomo babye deiyok kibuka aning talilamuk.

2 Samuel 20:3

Daud el ulamuk asik dam, pia urasin teleb mutuku, Yerusalem biyukopura, sepuluh kilapu, dipkoprob ninye kum domik kilapu bukni, el tonok ulamuk kilapu, ‘Na aik kalikna ap, pil dona ap ati, dawininamakʼ tenen, el min arye biyuk talak ara, el aik deibuk kilapu ati, akilapu dobuka, yuk aik deibuk. ‘Anang arye, akilapu kalinamakʼ tenen, el yin talin nang ton, dopdeibukba, anang arye, anyaik kaliklamik. Atonun ton, Daud birye, takubarye (10) kilapu, sik patan ning nirya ara, dobuka delilamuk bukni, Raja Daud birye, sik akilapu nirya ap, tonok ton pia kum malamuk. Ati, sik takubarye (10) kilapu ara, anyaik pum tamuk, talye ulamik. ‘Sikda, youwak kilapu uninto daulamika ani, yuk-yuk daunamake,’ tenelamuk ati, winilamik.

2 Samuel 19:5

Atalak ara, yin talin nang, sik deiyoknye Yoab, Raja Daud aik biyukce nyabuk. “Arup ara, an yin talin nang nirya ati, malye kipdeipmalamba, alye dakdanmake. Ayin talin nang arye, an oldan nang, Israel nang ati obuka, sirya dakmaka deice arye, lyepmasiake. Ara, an ap, ance deiamlum mapu ap, kilmapu ap, tonda an kilapu nirya ap, nirya lyepropmasiyak bukni, ance engenmalam deice arye, alye dakeipsilame,” nyabukce, Daud biti wenebuk.

2 Samuel 16:22

Nyabukopura, Absalom birye, ninye dopdeibukba, sikce, Raja el weik aik deice tam lyuak domik alipak, cang kain bobuka doltakne tenda aik dobik. Dobikopura, amutuku ninye weik arye dinmek talakuk, Absalom birye, el li koprop kilapu dobukabukce, atenda aik pum wekikce, neika malamik.

2 Samuel 5:13

Daud min yuma ulamuk mutuku, Hebron mutuku batakuka, Yerusalem mutuku akunum yayukopura, Israel mutuku ulamik kilapu, weik tonap tabakuka dolamuk. Dolamukce, neika daulamika ani, el mapu ap, kilmapu ap, weik arye tonap delilamuk.

2 Samuel 3:7

Atalak noutam ara, Saul bira tonok kil ton, el si Risfa dobuka tia ati, neika ulamdikce, malamdik. Akil el li koprop si ara, Aya ulamuk. Tonok sum ton, Saul el mi Isboset birye, Saul el yin talin deiyoknye, Abnar ati nyabuk. “Na ni koprop Saul birye, el tia ati domukce, neika malamdik kil, el si ara, Risfa ara, anda yata deiyok ning ati, an ap, akil ap, neika maprum do?” nyabuka kisibukce, Abnar biti malye nyabuk.

Hakim-Hakim 17:1

Ninye tonoknye el si Mikha. Elda Efraim mutuku iknapye tam bukni, lilun tam daulamuk.

Kejadian 35:19

Rahel bira, Efrata mutuku bana ati, bisik noutamak banmek talak dibukba, tuku palibik. Efrata mutuku ara, amutuku si bitinye ara, Betlehem ton nyalamik.

Kejadian 22:24

Tonda, Nahor birye, yuk kil ton dobukura, akil el si ara, Reuma arye mapu ton deiamuk. Akil el mapu si ara ani. Tebah ap, Gaham ap, Tahas ap, Makha ap deiamuk.

Hakim-Hakim 17:7

Dawinibuka ulamik talak nirya ara, ninye kamnye tonok, elda Lewi yalanye ulamuk. Minop talak elda pala weik mutuku tam, Yehuda mutuku bukni, anoutam mitik asik dolamikak ara, Betlehem mutuku binuka ulamuk.

Hakim-Hakim 19:2

Winiryuk neika unmarik, bukni el awel kil arye, elti, wabukce, yuk nang ap neika malamik. Winilamukce, aLewi yalanye biti wabuk ati, anye batakukce, tamubuka el li koproba, el asik Yehuda tam bukni, Betlehem mutuku biyuk. Biyukce, el li dam ulamuk talak ara, wala dumbarye binuka daulamuk.

Hakim-Hakim 19:16

Abukmek bukni, inibuk talak ara, sik amutuku asik dam lilun tam tuba bukmek. Abukmek bukni, wisinye tonok, el wa wilamukak arye, wa winmoka ani yayuk. Dipkoprob el deilin mutuku ara, iknapye tam bukni, Efraim mutuku noutam deiamik. Bukni atalak ara, tiya ati Gibea mutuku noutam ulamuk. (Atalak ara, Gibea mutuku noutam ulamik nang ara, sik Benyamin yala deiyok nanguk ulamik.)

Hakim-Hakim 3:27

Ehud banmoka ani, Seira mutuku tam biyukopura, ‘Israel nang kekebikirye yanganamak,’ tenena ati, Ehud bira terompet pong-pong ana lelim binuka, Efraim mutuku kon deice nyabukba kekebikce, ‘E, ninye olbinuyapʼ tenen, yayik. Israel nang akunum kekebikce yayikopura, elce deiyok kibukba, sik nirya ara, amutuku deice arye kouluka biyik. El menekuka bayukba, sikda, ‘Nun deiyoknye unamleʼ tenen, el aminyan melibuka yanganmek.

Hakim-Hakim 12:8

Yefta akunum dibukopura, Betlehem mutuku nang arye deiamiknye Ebsan birye, ninye deiyok kibukabukce, Israel nang taleamuk. Elce Yefta punubukce, ninye deiyok kibuka ulamuk.

Hakim-Hakim 18:13

Ura, amutuku arye pia otam mutuku adipdongobuka balamika ani, Efraim mutuku bukni, iknapye tam yayikce, Mikha el aik dam koprop panalbiyik.

1 Raja-Raja 4:8

Sik, adua belas (12) Bupati wipdeibuk nang, anirya deiyok kibuka talibukba, anang ara, el amu tam unamika ati ara, ninye deiyok nang kina ati, Bupati nang wipdeibuk. Sik adua belas Bupati nang, sik si ap, sikce taleamik mutuku si ap ara, ani. Ninye si Ben-Hur bira, Efraim mutuku tam taleamuk.