Hakim-Hakim 15:2 - Eipomek

² Nyabukce, akil el li koproba arye Simson biti, ayupu ton dukdongobuka nyabuk. “Kume, narye anti tenepkise ning ara, ‘Anye bira, akil ati wilipdeiamuka ati ara, anye bira pia like,’ tenelula ati, ‘Tonap akil kum dolyanalame’ tenen, akil dobuka, an yalanye ati akunum arepse. Bukni, akil, el weit kil, wel kil ara, urasin pia teleb kil ulula ati, min arye domlum kil pununa ati, arepkitinye. Ance, ‘El weit kil doptinye,’ tenepminyopura, akil dona teleb uka,” nyabuk.

Hakim-Hakim 15:2 Referans Kwoze

Hakim-Hakim 14:20

Tonda Simson biyukba, el winiryuk dopmok kil ara, Simson el li kobrba arye akil dobuka, Simson el kwit ati arebuk. Akil arebukba, doprobuknye bira, ara Simson kil dona ati kwalina kwalinmek talak noutam, Simson melipmoknye birye, Simson el kil doprobuk.

Rasul 26:9

Ara, menopa arye na babye, aning dib tenebuka darabuka ulamse. Ara, Nasaret mutuku deiamiknye, Yesus, el si erelamik ning ap, el peterelamuk yupu ap, el mapu ap, elti, winilamik ning nirya ap ati, ‘Na winilamtinye ning nirya arye, aning yaniptinirye, kum kipdeiptinye,’ tenelamse.

Hakim-Hakim 14:16

Nyabik ati, Simson el kil arye Simson dam binuka, engenmokce nyabuk. “Se, ance nati wilipdeipmanilame. Ance nati bico kum tenepmanilam do? Nati, lik tenepmanilam do? Ance na makal nang ati, yupu domon nyapmumce, sikti, ‘Deiyok ani, nyapnamnululume,’ nyaplum bukni, nara, ayupu deiyok ton kum laka nyapmanume. Aning ara yata ati do? Ayupu deiyok laka nyapniminba kel biktinye. Ati laka nyapnilyame,” nyabuk. Nyabuk buk, Simon birye tamubuka nyabuk. “Yupu domon aupmale bukni, ayupu deiyok ara, na ni ap, na nin koprop ap ara, sikti, ton laka kum nyapsiba, sik babye kum bikrike. Ati yata deiyok ati, narye, anti laka nyapkitinye do? Aning kum nyapnukine,” nyabuk.

Kejadian 38:14

Nyabikopura, Tamar kekebukce, sik amutuku youwak kilapu winilamik touk, el youwak kilapu baju ongolamuk ning ara, batakuka, yuk talye baju ongobukabukce, ‘Na urasin eipnilirye, bikeipnilyak’ tenen, el urasin ap, kisok ap, kanupdongobuk. Winibuk ning ara, Timna mutuku lyu bisik noutamak, tonok mutuku si ton, Enaim mutuku biyukce, amutuku dana-dana poka domika bublan dam binuka bukmok. Winibuka deiyok ara, ‘Kume, na domnuknye, el weit koproba Shela bira, akunum nebuk bukni, elce nati, min kum dopnamnile. Ati abisik noutamak bukmaniba, na yamal koproba yanuka eipnilyopura, teneipnamnile’ tenen, Enaim mutuku bisik bublan dam bukmok.

Hakim-Hakim 15:3

Nyabukba, Simson birye tamubuka nyabuk, “Anggunce nati, pia malye kipdeipmanulume. Ati, na Pilistin nang ati, ikin ning pia weik ning, sik nong deice deipnamne. Wini talak ara anang opnamne,” nyabuk.