Hakim-Hakim 13:2 - Eipomek

² Atalak ara, ninye tonoknye el si ara Manoa ulamuk. Manoa el mutuku ara, Sora mutukunye ulamuk. Manoa el yala ara, Dan yalanye ulamuk. Atalak ara, Manoa el kil, mi kum bolamuka anya arye, sik mapu kum delilamdik.

Hakim-Hakim 13:2 Referans Kwoze

Yosua 19:41

Sik Dan yala nang ap, sik mapu silip arye talibuka, unamik mutuku wilinak ara, ani. Zora mutuku ap, Esytoal mutuku ap, Ir-Zemes mutuku ap,

Lukas 1:7

Diksukumuk ulamrikura, Elisabet ara, you kil ulamuka ati ara, sik mapu ton kum delilamrik, you uk ulamdika ani, akunum wisi danamrik mapu, kum deipmanto uamrik.

Yosua 15:33

Aning atouk bukni, dabu mutuku noutam ara, weik asik ap, anoutam mitik asik ap dobuka, ulamik nang mutuku nirya ara, sik kum talak, Kanaan tam ulamik ninye arye, asik odeikin 14 dolamikce, ulamika ara, Yehuda yala ninye arye, amutuku-amutuku nirya babye alabuka, doprobik. Amutuku si ara, ani. Ara, Esytaol mutuku ap, Zora mutuku ap, Asma mutuku ap, Zamoa mutuku ap, Enlam mutuku ap, Sokho mutuku ap, Aseka mutuku ap, Saraim mutuku ap, Aditaim mutuku ap, Gedera mutuku ap, Gederotaim mutuku ton, amutuku nirya doprobikce, sik mutuku kipdobik.

Kejadian 25:21

Ura, Isak el kil Ribka bira, you kil ulamuka anya arye, ‘Na kil ara, mapu ton deiptue’ tenen, Isak birye, el kil ati Allah morolamuk. Morolamukba, Allah el si Yahweh kekebukce, Ribka biti melibukba, mi bobuk.

Kejadian 16:1

Allah arye, Abram biti, “Ance deipminyeba, dadeipdanin banamak mapu ara, amutuku arepnamne,” nyapdeibuk bukni, Abram el kil Sara bira you kil ulamuka arye, sik mapu kum deiamdik.

Hakim-Hakim 2:1

Israel ninye Bokim mutuku unmek talak ara, Allah el si ara Yahweh, el Allah pil donanye malaikat ara, Gilgal mutuku arye Bokim mutuku welebuka biyuk. Tia talak ati, Israel ninye bulubuka Bokim mutuku unmek sukum, Allah el pil donanye biyuk. Allah el pil donanye bira weik mambul yupu laka nyalbananye birye biyuk. Biyukce, sik Israel ninye ati ayupu nyabuk. Allah arye nyapsile. “Anggun Mesir mutuku ulalumbuk, narye lyepropsisirye, bobuka Kanaan mutuku noutamak boyanamsise. Tonda anggun apu yapu ati, ‘Winiryuk pia teleb mutuku arepnamsine. Aning ara, kum bataknamne,’ nyabuka nyalilamse yupu ara, kum batakse. Dipkoprop amutuku akunum arepsisiba, doproplumce, pia amutuku talibuka unamlume. Tonda narye anggun apu yapu ati, ‘Na tenena ninye unamlum’ tenen, ‘Pia melisiniba, teleb kipdeipnamsine,’ nyapdeiamse yupu ara, nyapdeiamse. Na ap, anggun Israel ninye ap, teleb ubuka neika una ati, ‘Teleb kipdeipnamsine,’ nyamse yupu ara, pia kum bataknamne. Ara, anggun wini talak ululum ninye ap, anggunce deipmalumba, dadeipdanin binamak ninye babye nirya ati, ayupu nyapsine.”

Kejadian 11:30

Abram dobuk kil Sarai ara, you kil ulamuka anya arye, el mapu kum delilamuk.

Kejadian 49:16

Dan, an yala ninye ara, Israel yala ninye unyaka anya arye, sik yala nang ati, teleb kibuka yupu bokolinamake.

1 Tawarikh 2:53

Syobal ulamuk. Elda Yetri yala ulamik nang, sik deipkirikropnye ulamuk. Tonda, kurun yala ulamik nang ap, Sumati yala nang ap, Misrai ulamik nang ap, ayala-ayala nang babye, sik deipkirikropnye ulamuk. Tonda, Zora yala ulamik nang ap, Esytoal yala ulamik nang ap, sik deipkirikropnye bira, Misrai ulamuk.