Hakim-Hakim 11:4 - Eipomek

⁴ Ura atonun, pia daulamika ani, uku weik tonun ton malamika ani, aminyan talak ara, Amon yala nang arye, sik Israel nang ati mal olalyayik.

Hakim-Hakim 11:4 Referans Kwoze

Hakim-Hakim 10:9

Tonda, aninguk kum bukni, sik Amon yala nang arye, Yordan mek koubuka keting kumulban tam biyikce, Yehuda yala nang ap, Benyamin yala nang ap, Efraim yala nang ap, mal olbiyik. Winibikce, sik Israel nang ati, sikce weik ikin ning, Israel nang nong deice deililamikba, Israel nang ara, ‘Se yata winiptibye do?’ tenen, pia malye kanye bobuka ulamik.

Hakim-Hakim 10:17

Aminyan talak ara, sik Amon yala nang, sik yin talen nang ara, ninye olalbana ati kintinip deibikce, Allah el si erena ati, tenda bobuka, Gilead mutuku yanuka domik. Atalak uk, Israel yala nang babye, ‘Sik Amon nang ap, mal olanauk mal olanuyapʼ tenen, Mizpa mutuku uk tenda aik yanuka dopmekce unmek.

Hakim-Hakim 11:5

Tonda, Amon yala nang arye, ‘Israel nang yanuka opnuyapʼ tenen, yayik talak ara, sik Gilead noutam ulamikce, ninye deiyok kiyamik nang nirya arye, Tub mutuku ulamuknye Yefta, el dam biyikce, ‘Anye tamubuka boyabiba, elce melipsutuʼ tenen, elti, morolbiyik.

Hakim-Hakim 10:18

Amutuku uk unmeka anya arye, Israel nang ap, sik deiyok nang ap, sikce nyalanmek. “Ura, nun kan-kan arye mikipnye birye, ilil una kumce, yin doproplirye, Amon yala nang, sik yin talen nang ati, deiyok kiplirye, mal olalbinamak do?” nyabuka, asilanmek. “Winiplinye bira, elce Gilead mutuku unyap nang nirya ara, deiyok kibuka talipnamsile. El yupu dem kekebuka unamabe,” nyanmek.

1 Samuel 11:1

Amon mutuku taleamuknye, el si Nahas birye, el mapu yin nang ati, “Gilead tam Yabesh mutuku binuka wareklulume,” nyabuk. Nyabuk buk, Yabesh mutuku ninye arye tamubuka, Nahas biti nyabik. “Kum opsimince, minopce ance nunti, ‘Teleb kibuka neika unamabe,’ nyapdeipsutumopura, nunda an amu tam nanguk unamabe,” nyabuka morobik.