Hakim-Hakim 11:1 - Eipomek

¹ Ninye tonok el si ara Yefta, anye bira Gilead yalanye birye el deiamuk. El Yefta bira, ninye mal olalbana ati ara, mikip weik kopropnye ulamuk. Yefta el lin bira, talye-talye yolamik kil arye deiamuk. Yefta el li koprop ara, Gilead ulamuk.

Hakim-Hakim 11:1 Referans Kwoze

Ibrani 11:32

Ura, na kayapo, yata yupu tonap dukdongobuka nyapsitinye do? Lo tonap kum upmanila anya arye, Gideon ap, Barak ap, Simson ap, Yepta ap, Daud ap, Samuel ap, Allah el yupu laka nyalamik nang, nabi nang ap, yuk diba tenelamik nang nirya, winilamik ning nirya kum laka nyapsitinye.

2 Raja-Raja 5:1

Mutuku si Aram mutuku taleamuknye, ninye deiyoknye Raja bira, el yin talin nang sik deiyoknye kina ati, Naaman wipdeiamuk. Ura, Allah el si Yahweh arye, anye Naaman deice mikip arebukba, elce Aram mutuku yin talin nang taleamuka ani, Aram nang sik mal olan nang nirya malye kibuka olamik. Winilamika ati, amutuku Raja birye, Naaman biti weik kanye deiamukce, bico tenelamuk. Amutuku nang nirya ara, elti, ‘Elda weik mambulnye,’ tenelamik. Naaman bira mikip weik ulamukce ilil kum asa aryuk sik mal olan nang ati mikip kibuka olbalamuk. Winilamuk bukni,barye, suse taleamukba, el nong deice dilamuk.

Hakim-Hakim 6:12

Gandum duk tekinmokba, Allah el si Yahweh, el pil donanye malaikat arye Gideon el dam yayukce, nyabuk. “Na kwito! Anda mikip weik yin talinanye ulyame. Allah el si Yahweh arye anti, teleb kibuka melikulule,” nyabuk.

Hakim-Hakim 10:18

Amutuku uk unmeka anya arye, Israel nang ap, sik deiyok nang ap, sikce nyalanmek. “Ura, nun kan-kan arye mikipnye birye, ilil una kumce, yin doproplirye, Amon yala nang, sik yin talen nang ati, deiyok kiplirye, mal olalbinamak do?” nyabuka, asilanmek. “Winiplinye bira, elce Gilead mutuku unyap nang nirya ara, deiyok kibuka talipnamsile. El yupu dem kekebuka unamabe,” nyanmek.

Hakim-Hakim 11:2

Tonda, Gilead el kil arye, mapu ton pia weik delilamuk. Akil arye deiamuk mapu akunum nebikopura, Yefta biti nyabik. “Anda, nun ni birye talibuk ning nirya ara, kum doproptume. Ara, an deipkuk kil ara, nun ni koproba arye kume, yuk mutuku kil arye deipkuka atia. Tonda, dipkoprob dona kum kil arye deipkuke. Talya kil arye deipkuka ati, nun ap neika una kume,” nyabuka, el Yefta biti, sik ulamika dam arye bai yakik.

1 Samuel 12:11

Morolamikba, Yahweh kekebukce, sik melina ati, ninye deiyok nang ton wipdeibuk. Anang sik si ara, Yerubaal ap, Barak ap, Jepta ap, Samuel ap, dopdeibukopura, anang arye, Israel ninye lyeprobik. Sik mal olan nang dana-dana tam, weik daulamik bukni, Allah wipdeiamuk nang, meliamuka deice arye, anang arye, Israel ninye lyepdomikba, tuba tonap amutuku noutamak, talye kanye bobuka, telebuk ulamik. Anggun wini talak ululum nang babye, kanye lamapdongobuka, teleb asa arye, ulalume.